සිතුම් චතුරංග

ඇඳිරි නීතිය ඉවත්කළද වවුනියාව නගරයේ හා අවට ගම්මාන රැසක වෙළෙඳසැල් අද (28) දිනයේ වසාදැමීමට පියවරගත් බව වවුනියාව වෙළෙඳ සංගමය පවසයි.

කොවිඩ් - 19 වයිරසය ආසාදනයවූ අයකු වවුනියාව නගරයේ ස්ථාන රැසක සංචාරය කිරීම හේතුවෙන් ජනතාවගේ සෞඛ්‍ය තත්වය පිළිබඳ අවධානය යොමුකරමින් මෙම තීරණය ගත් බව වෙළෙඳ සංගමය පැවසීය.

මේ පිළිබඳ වවුනියාව දිස්ත්‍රික් ලේකම් සමන් බන්දුලසේන මහතාගේ ප්‍රධානත්වයෙන් වවුනියාව වෙළෙඳ සංගමය හා ආරක්ෂක අංශ ගත් තීරණයකට අනුව නගරයේ වෙළෙඳසැල් සියයකට අධික ප්‍රමාණයක් සම්පූර්ණයෙන් ඊයේ දිනයේ වසා දැමීමට පියවරගත් බව වෙළෙඳ සංගමය පැවසීය.

වවුනියාව නගරයේ වෙළෙඳ සැල් වසා දැමීමත් සමඟ පඳික වෙළෙදුන් එළවළු හා අත්‍යවශ්‍ය ආහාර නගරයේ වීදි අසල අලෙවි කිරීම හේතුවෙන් ජනතාව එම ස්ථාන අසල විශාල ලෙස එක් රොක්ව සිටින අයුරු දැකගත හැකිවිය.