‘කොවිඩ්-19’ එරෙහිව ගෙන ඇති ක්රියාමාර්ගවලට සහාය දීමක් වශයෙන් යුරෝපා සංගමය ශ්රී ලංකාවට යූරෝ මිලියන 22 ක (රුපියල් කෝටි 463 කට ආසන්න මුදලක්) ප්රදානයක් කර ඇත.
නව කොරෝනා වසංගතය පාලනය කිරීම, ඉන් පැනනඟින ඍණාත්මක බලපෑම් අවම කිරීමත් යනාදිය ආවරණය කරගැනීම සඳහා ශ්රී ලංකාවට මෙම ප්රතිපාදන හිමි වේ. ඒ අනුව ලෝක සෞඛ්ය සංවිධානය හරහා මෙරටට වෛද්ය උපකරණ හා සැපයුම් ලබාගැනීමටත් සහ වෛද්ය පර්යේෂණාගාර පහසුකම් වැඩිදියුණු කිරීමටත් යූරෝ මිලියන 2ක් ද ශ්රී ලංකාවේ කෘෂිකර්ම අංශයට යූරෝපා මිලියන 16.5ක මූල්ය ප්රතිපාදන ද හිමි වේ.
මෙම දුෂ්කර කාලසීමාවේදී විවෘත වෙළෙඳපොළ කටයුතු පවත්වාගෙන යෑටමත්, විශේෂයෙන්ම සෞඛ්ය හා කෘෂිකර්ම අංශවලට අදාළව සැපයුම්දාම ආරක්ෂා කරගැනීමටත් කෘෂිකාර්මික ක්ෂේත්රයට මූල්ය ප්රතිපාදන ලබාදීමේ අරමුණ බව යුරෝපා සංගමයේ කොළඹ කාර්යාලය සඳහන් කරයි.
කොරෝනා වයිරසයෙන් බලපෑමට ලක්ව තිබෙන මෙරට සංචාරක කර්මාන්තයේ අභිවෘද්ධිය සඳහා යූරෝ මිලියන 3.5ක ප්රදානයක් ලබාදීමට ද යුරෝපා සංගමය කැමැත්ත පළ කර ඇත. ග්රාමීය ප්රදේශවල පුද්ගල ප්රාග්ධන සංසරණය වර්ධනය කිරීම සහ ඌව හා මධ්යම පළාත්වල කුඩා ව්යාපාරහිමියන්ට සහ සේවකයන්ට සහාය වීම මෙම සමස්ත මූල්ය ප්රදානයේ අරමුණක් වී ඇත.
ප්රංශය, ජර්මනිය, ඉතාලිය, නෙදර්ලන්තය, රුමේනියාව යන රටවල තානාපතිවරුන් ඇතුළු යුරෝපා සංගම් දූත පිරිසක් අත්යවශ්ය සේවා පිළිබඳ විශේෂ ජනාධිපති කාර්යසාධක බලකායේ ප්රධානී බැසිල් රාජපක්ෂ මහතා පෙරේදා (8) සාකච්ඡාවක් පැවැත්විණි. එහිදි ඉහත මූල්ය ප්රතිපාදන සම්බන්ධයෙන් සාකච්ඡා කෙරුණි.
ශ්රී ලාංකිකයන්ගේ මෙන්ම යුරෝපීය සංචාරකයන්ගේ ආරක්ෂාව සහ යහපත වෙනුවෙන් ශ්රී ලංකා රජය ගෙන ඇති ක්රියාමාර්ග සම්බන්ධයෙන් දූත පිරිස එම සාකච්ඡාවේදී ඔවුන්ගේ ප්රසාදය පළ කළහ.
055
COMMENTS
අනිත් සේරම දේවල් හමුදාවලටත්, පොලිසියටත් බාරදීලා මේවගේ දේවල් විතරක් අර චීනෙන් ලැබුන ආධාර වලට කළා වගේ වියත් ක්රමවේදයකින් පාලනය කරන්න අයියට බාරදෙන්න. හරි ෂෝක්.
හෙල්පින් හම්බන්තොට වගේම වෙන්න යන්නේ ...
ඒ මිනිස්සුන්ට පිස්සුද මන්දා මේ විදිහට සල්ලි බෙදන්න? ඔය මුදලින් සියයට එකක් විතර ජනතාවට බෙදලා ලෝකෙට පෙන්න ෆොටෝ ගහලා, ගහලා ඉතිරි මුදලම පාලකයින්ගේ සාක්කුවට තමයි වැටෙන්නේ. සමහරවිට ඒ රටවල පාලකයින් ඔවුන් වගේ යයි සිතා මෙලෙස මුදල් පොම්ප කරනවා ඇති... ඒ රටවල සිටින අහිංසක මිනිසුන්ගේ ප්රයෝජනයට යෙදෙව්වා නම් එය කොතරම් යහපත්ද? එක අතකට ඉතින් ඒ රටවල මිනිසුන්ගේ මනුස්සකම මේ අපට නොතේරෙන එකනේ ගැටලුව? කොරෝනා හැදිලා මැරුණත්, මැරෙන කම් ඒ රටවල මිනිස්සු සතුටින් ජීවත් වෙලා ඉන්නේ ඒ හින්දා වෙන්න ඇති...
සුනමියාගේ මල්ලිට එහෙමත් නැතිනම් මිස්ටර් 10% නැත්නම් මල්වානේ ගෙවල් අයිතිකරුටද මේ සල්ලි දීලා තියෙන්නේ...? වහාම යුරෝපා සංගමයට කියන්න ඕනෑ ... ඔය සල්ලිටික ආපහු ඉල්ලගෙන අපේ රටට අවශ්යම බෙහෙත් වර්ග සහ වියලි අහාර වර්ග එවන්න කියලා.එහෙම නොවුනොත් මිස්ටර් 10% ලබන මාසේ තංගල්ලේ ලොකු හෝටලයක් හදාවි.
බටහිර කුමන්ත්රණයක්ද මේක?
සුනාමි සල්ලි මතකද? ඒවගේ කරන්න එපා බුදු සරණයි !!!
මේ ලැබෙන ආධාර වලට මොකද වෙන්නේ කියල බලන්න කවුද ඉන්නේ...? සුනාමි සල්ලි වලට වෙච්ච දේ අපි දන්නවනේ. චීන සල්ලි වගේම මේ සල්ලිත් බහිරව කටට තමා ඉතින්..
කෝ මේ මොර දෙන හමුදාව ? බන්දුල, විමලේ මොන හරි කියල කෑ ගහපන්.... මෝඩ ෂුන් එකක්වත් නැහැනේ ?
ආධාර දුන්නේ අධිරාජ්යවාදී බටහිර කුමන්ත්රණයකට කියයිද දන්නේ නැහැ.
නොදන්න නිසයි අහන්නෙ කොහේටද මෙි මුදල් බැර වෙන්නෙ...? කවුද මෙවායේ බාරකරු... රටෙි ජනතාවටද, එයාලගෙ සුභසාධනය සදහාද?
අනේ මේ සල්ලි කවුරුවත් හොරකම් කරන්න නම් එපා අහිංසක මිනිස්සුන්ගේ සුබසාදනයට යොදවන්න.
යුරෝපා සංගමයට මුදල් ලැබෙන්නේ එම රටවල දුක් මහන්සි වී හම්බකරන මිනිසුන්ගේ අයබදු වලින්. මෙම අපි වගේ දුගී දුක්පත් රටවලට පිහිට වීම නිසා එමරටවල මිනිසුන් නිදුක්, නිරෝගී වේවා .
මේවා ඔක්කොම බටහිර කුමන්ත්රණ. දුම් අල්ලලා වැඩේ කරගන්න පුළුවන්කම තියෙද්දී මේ සල්ලි දීලා හදන්නේ අපේ මේ සිංහල බෞද්ධ රට විනාශ කරන්න. අල්ලගන්න. දුන්නට කමකුත් නෑ ඉතින්. මේ රටේ ඉන්න රාජපක්ෂලා හොරු නෙමේ. මේවා සුනාමි සල්ලි වගේ යටිමඩි ගහන් නෑ. ඔය තරහට රට පාවාදෙන අය කියන කතා ........
කරුණාකර මුදල් නම් දෙන්න එපා. ශ්වසන යන්ත්ර බහෙත් වැනි අත්යවශ්ය ද්රව්යමය ආධාර පමණක් දෙන්න. සල්ලි දුන්නොත් වෙන්නේ මහා අවුලක්. මේ කාර්ය සාධන බලකායේ නිලධාරීන් ගැන අතීතයේ සිදුවීම් නිසා ජනතාව බලන්නේ සැකෙන්. ඔවුන් නියම විදිහට කටයුතු කළත් ජනතාව බලන්නේ සැකෙන්. මුදල් දුන්නොත් හොරකම් කරන්න ඉඩ තිබෙනවා. කරුණාකර ද්රව්යමය ආධාර පමණක් දෙන්න.