විනීතා එම් ගමගේ 

මේ වන විට අත්‍යවශ්‍ය සේවා ලෙස ක්‍රියාත්මක නොවන රාජ්‍ය ආයතනවලට අයත් වාහන තම රාජකාරි සඳහා සීමිත කාලයකට ලබා දෙන්නැයි ශ්‍රී ලංකා මහජන සෞඛ්‍ය පරික්ෂකවරුන්ගේ සංගමය රජයෙන් ඉල්ලීමක් කර ඇත.    

මේ වනවිට රාජ්‍ය ආයතනවලට අයත් එහෙත් රාජකාරිවල නොයෙදෙන වාහන තම රාජකාරි සඳහා මුදා හරින්නේ නම් රාජකාරි පහසුවන බව එම සංගමය රජයට පෙන්වා දී තිබේ. 

මේ වනවිට වැසිකාලය ඇරඹී ඇති බැවින් මහජන සෞඛ්‍ය පරික්ෂකවරුන් යතුරු පැදි වලින් ගොස් රාජකාරි කරන්නේ ඉතා අපහසුවෙන් යැයි එම සංගමයේ සභාපති උපුල් රෝහණ මහතා පැවැසීය. 

ස්වයං නිරෝධායනයේ සිටින විශාල පිරිසක් පිළිබඳ සොයා බැලීම ඇතුළු බිම් මට්ටමේ රාජකාරි රාශියක් තම සාමාජිකයන් වෙත පැවරී ඇති බවත් ඔවුන්ගේ රාජකාරි පහසු කිරීම සේවා සැපයීමේ දී ජනතාවට විශාල ප්‍රතිලාභයක් වන බවත් ඔහු පෙන්වා දෙයි.