(එම්.සුසිල් ප්‍රියන්ත)

කොරෝනා වයිරසය පැතිරයාම වැළැක්වීමේ පියවරක් ලෙස අද (16 ) සිට සංචාරයකයින් මාදු ගඟේ සංචාරය කිරීම නතර කර දැමූ බව මාදු ගඟ සංචාරක මෝටර් බෝට්ටු හිමියන්ගේ සංගමය කියයි .

මේ  පිළිබඳව බලපිටියේ මහජන සෞඛ්‍ය පරීක්ෂක මහත්වරුන් පැමිණ කළ, ඉල්ලීමකට අනුව මේ පියවර ගත් බව එම සංගමයේ සභාපති ප්‍රදීප් චන්දන මහතා කීවේය.

අද (16 ) සිට තමන් ගත් මේ ක්‍රියා මාර්ගය සති දෙකක් යනතෙක්ම ක්‍රියාතමක කරනු ලබන බවත් තම සංගමයට අයත් නැති මෝටර් බෝට්ටු  මෙය කඩ කලොත් සිය සංගමය එයට වගකීමට බැරි බවද ඔහු කීවේය .

රජයෙන් තමන්ට  මෙවැනි දැනුම්දීමක් නොකළ නිසා තමන් වෙත එන සංචාරකයින් මෝටර් බෝට්ටුවලින් මාදු ගඟ සංචාරය කරන  බව මාදු ගඟ සංචාරක මෝටර් බෝට්ටු හිමියන්ගේ සංගමයට අයත් නැති මෝටර් බෝට්ටු හිමියන් කිහිපදෙනෙකුම පැවසීය.