(නිමල් ජයරත්න)

මඩකලපුව පුනානි ප්‍රදේශයේ පිහිටි ඇඟලුම් කර්මාන්ත ශාලාවක ගොඩනැගිල්ලක් තුළ කොරෝනා නිරෝධායන මධ්‍යස්ථානයක් ස්ථාපිත කිරීමට සිවිල් ආරක්ෂක නිලධාරීන් කටයුතු කර තිබිණ.

මීට අමතරව වැලිකන්ද සිංහපුර ගල්කන්ද යුද හමුදා කඳවුරද නිරෝධායන මධ්‍යස්ථානයක් බවට පත් කර ඇති බව නැගෙනහිර ආරක්ෂක සේනා මූලස්ථානයේ උසස් නිලධාරියෙකු පැවසීය.

සිවිල් ආරක්ෂක බලකායේ අධ්‍යක්ෂ ජනරාල් ආනන්ද පීරිස් මහතාගේ උපදෙස් මත වැලිකන්ද සිවිල් ආරක්ෂක බළකායේ අණදෙන නිලධාරී මේජර් දිනේෂ් කුමාර මහතාගේ අධීක්ෂණය යටතේ මෙම කටයුතු සිදුකරනු ලැබේ.

සිවිල් ආරක්ෂක නිලධාරීහූ 75 දෙනෙකු මෙම ස්ථාන දෙකම පිළිසකර කරති.