(සුමතිපාල දීයගහගේ)

බූස්ස නාවික හමුදා කඳවුරේ පවත්වා ගෙන යන නිරෝධායන මධ්‍යස්ථානයේදී නිරෝධායන කටයුතු අවසන් කළ තවත් 11 දෙනෙක් අද පිටව ගිය බව නාවික හමුදාව පවසයි.

මොවුන් විසින් එම නිරෝධායන කටයුතු සාර්ථකව අවසන්කළ බවට ලබා දෙන සහතිකය ශ්‍රී ලංකා නාවික නෞකා ආයතනයේ අණ දෙන නිලධාරීවරයා මෙම පිරිසට පිරිනැමිය.

මේ අතර  එම කඳවුර තුල නිරෝධායන කටයුතුවල යෙදී සිටින විට නාවික හමුදා නිලධාරීන් විසින් ඔවුන්ට සැලකූ ආකාරය අගයා නිරෝධායනයේ යෙදී සිටි කීප දෙනෙකුගේ චිත්‍ර සහ පැදි නිර්මාණ කීපයක්ද ඔවුහු නාවික හමුදා නිලධාරීන්ට පිරිනැමුහ.

මෙම නිරෝධායන මධ්‍යස්ථානයේදී නිරෝධායන කටයුතු අවසන් කළ  22 ක් මේ වන විට පිටව ගොස් ඇති අතර තවත් 57 ක් නිරෝධායන කටයුතුවල යෙදී සිටින බවද නාවික හමුදාව පවසයි.

(ඡායාරූප - නාවික හමුදා මාධ්‍ය අංශය)