(ක.ග.කරුණාරත්න)

කෙරෝනා වයිරසය අසාදිත පෙලොන්නරුවේ පුලස්තිගම පදිංචි නාවික හමුදා සෙබළා හඳුනාගැනීමෙන් පසු ඔහු සේවය කල කඳවුරේ රාජකාරී කර නිවාඩු ලැබ පැමිණි තවත් නාවික සෙබලූන් 08 දෙනෙකු සහ ඔවුන්ගේ පවුල්වල උදවිය ඇතුලූ 548 දෙනෙකු මේ වනවිට පොලොන්නරුව දිස්ත‍්‍රික්කයේ පිහිටි සිය නිවෙස්වල නිරෝධායනට ලක්කර සිටින බව පොලොන්නරුව ප‍්‍රාදේශීය සෞඛ්‍ය සේවා අධ්‍යක්‍ෂ වෛද්‍ය සරත් ජයසිංහ මහතා අද(25) පැවැසීය.
 
කොරෝනා වයිරසය ආසාදිත බවට තහවුරුවූ සෙබළා නිවාඩු ලබා පැමිණි දිනයට පෙර සහ පසු දිනවල මෙම සෙබලූන් තම නිවෙස්වලට පැමිණ ඇතිබවද ඒ මහතා කීය.එහෙත් එම සෙබලූන් කිසිවෙකුටත් වයිරසය ආසාදිත බවට මෙතෙක් වාර්තාවී නැතිබවද සෞඛ්‍ය සේවා අධ්‍යක්‍ෂවරයා පැවැසීය. එසේ නමුත් වැලිසර නාවික හමුදා කඳවුරේ රාජකාරී කරඇති අය නිසා ඔවුන් සහ ඒ පවුල්වල අයද එම පිරිස් සමඟ සෘජු සම්බන්‍ධතා පැවැත්වූ බවට හඳුනාගෙන ඇති මෙම පිරිසද සෞඛ්‍යආරක්‍ෂිත පියවරක් ලෙස මේ අන්දමට සිය නිවෙස්වලම නිරෝධායනයට යොමුකල බවද කීය.
 
මෙලෙස නිරෝධායනයට ලක්කර ඇති පිරිස පොලොන්නරුව දිස්ත‍්‍රික්කයට අයත් තමන්කඩුව,වැලිකන්ද,අරලගංවිල,ලංකාපුර,මැදිරිගිරිය සහ ඇළහැර යන සෞඛ්‍ය වෛද්‍ය නිලධාරී කොට්ඨාසවල පදිංකරුවන් බවද  ප‍්‍රාදේශීය සෞඛ්‍ය  සේවා අධ්‍යක්‍ෂවරයා සඳහන් කලේය.