(එම් .සුසිල් ප්‍රියන්ත, ඥාණදාස රම්මුතු )

හිටපු අමාත්‍ය කරුණා අම්මාන් මහතා රනවිරුවන් ඝාතනය කලා යයි කියන ප්‍රකාශයකට විරෝධය දැක්වීම සදහා ජනතා අයිතීන් සුරකීමේ සංවිධානය සීනිගම දේවාලය අභියස අද (21 ) පැවැත්වීමට සංවිධානය කළ උද්ඝෝෂණයක් මීටියාගොඩ පොලීසිය මැදිහත්වී නවැත්වීමට කටයුතු කිරීමත් සමගම දැඩි උණුසුම් තත්ත්වයක් ඇතිවිය.

විරෝධතා පුවරු ඔසවාගෙන උද්ඝෝෂණයේ යෙදීමට පිරිස සූදානම්වූ අවස්ථාවේදි එම ස්ථානයට පැමිනි මීටියාගොඩ පොලිස් ස්ථානාධිපති ප්‍රධාන පොලිස් පරීක්ෂක අජිත් විජේසිංහ මහතා ඇතුළු පොලිස් නිලධාරින් උද්ඝෝෂණ පැවැත්වීමට ඉඩ දිය නොහැකි බව පැවසීමත් සමගම දෙපාර්ශය අතර කතාබහක් ඇතිවූහ.

අවසානයේදී තමන් නීතියට ගරු කරන බව පවසමින් උද්ඝෝෂණයට සහභාගීවූ පිරිස විසිර ගියහ.