2022 අගෝස්තු මස 09 වන අඟහරුවාදා
පුලතිසිගම ආසාදිතයා සමග සබඳකම් පැවැත්වු 46ක් නිරෝධායනයට
( ක.ග.කරුණාරත්න )
පොළොන්නරුව පුලස්තිගම ප‍්‍රදේශයෙන් හමුවූ කොරෝනා ආසාදිතයා සමඟ සෘජු සම්බන්‍ධකම් පැවැත්වූ බව කිවන 46 දෙනෙකු නිරෝධායනය සඳහා මඩකලපුව දිස්ත‍්‍රික්කයට අයත් පනිච්චන්කර්නි නිරෝධායන මධ්‍යස්ථානය වෙත යවා තිබෙන බව පොලොන්නරුව ප‍්‍රාදේශිය සෞඛ්‍ය සේවා අධ්‍යක්‍ෂ වෛද්‍ය සරත් ජයසිංහ මහතා පවසයි.
ඊට අමතරව දෙහිඅත්තකණ්ඩිය,සිරිපුර පලූදෙණිය ප‍්‍රදේශයේ වෙසෙන, කොරෝනා වයිරසය ආසාදිත නාවික සෙබළාගේ බිරිඳගේ මව, පියා,ඇතුලූ පිරිසක් පොලාන්නරුව පුලස්තිගම පිහිටි නිවෙසට පැමිණ ගොස් ඇතිබවට තොරතුරු ලැබීමෙන් පසුව ඔවුන් ඇතුලූ නව දෙනෙකු නිරෝධායනය සඳහා පුනානී නිරෝධායන මධ්‍යස්ථානය වෙත යැවූ බව සෞඛ්‍ය අංශ සඳහන් කලේය.
මේ අතර එම කොරෝනා රෝගියා හමුවූ පොලොන්නරුව ලංකාපුර සෞඛ්‍ය වෛද්‍ය නිලධාරී කොට්ඨාසයේ දැනට හුදෙකලා කර ඇති ග‍්‍රාම නිලධාරී වසම් 12 තුල වෙසෙන 22,000 කට අධික පිරිසක් සිය නිවෙස් තුල ස්වයං නිරෝධායනයට ලක්කර ඇතැයිද සෞඛ්‍ය අංශ අනාවරණය කලේය.
