(හිරාන් ප්‍රියංකර ජයසිංහ)
 
පුත්තලම මූලික රෝහලේ නම සඳහන් කරමින් ගමන් ගත් ත්‍රී රෝද රථයක් යුද හමුදා බුද්ධි අංශ විසින් අත්අඩංගුවට ගෙන පුත්තලම පොලිසියට අද (11)  භාර දී ඇත. 
 
දින ගණනාවක් පුත්තලම මූලික රෝහලේ නම සඳහන් කරමින් ගමන් ගත් මෙම ත්‍රී රෝද රථය පිළිබඳව යුද හමුදා බුද්ධි අංශයට ලැබී තිබූ තොරතුරු මත එම ත්‍රී රෝද රථය පැදවූ රියදුරා සහ ත්‍රී රෝද රථය අත්අඩංගුවට ගෙන පුත්තලම මූලික රෝහල වෙත රැගෙන ගොස් තිබේ.
 
ත්‍රී රෝද රථය අත් අඩංගුවට ගන්නා අවස්ථාවේදී එහි සායනික රෝගීන් තිදෙනෙකුගේ පොත් තුනක් තිබූ බව පොලිසිය කියයි.
 
‍මේ පිළිබඳව කළ විමසීමේදී පුත්තලම රෝහල් අධ්‍යක්ෂ වෛද්‍ය සුමිත් අත්තනායක මහතා මෙසේ පැවසීය.

“පුත්තලම මුලික රෝහලේ කිසිම කටයුත්තකට මෙම ත්‍රී රෝද රථය අපි යොදාගෙන නැහැ .ඒ වගෙම පෞද්ගලික වාහන වලය ලෙසකින් අවසර දි නැහැ .ඒ නිසා මේ සඳහා රෝහලින් වෙනම පරීක්ෂණයක් ආරම්භ කරනවා‘‘යැයි ඔහු පැවසිය .