අනීෂා මානගේ

ඇඳිරි නීතීය ක්‍රියාත්මක කරන කාලය තුළ මාළු ප්‍රවාහනයට සහ ධීවර කටයුතු කරගෙන යෑමට රජයෙන් ඊයේ(24) අවසර ලබාදීමෙන් පසුව තංගල්ල සහ කුඩාවැල්ල ධීවර වරායවල ධීවරයන් අද දින සිය දෛනික කටයුතු ආරම්භ කර ඇති ආකාරය දක්නට හැකිවිය.

පසුගිය 20 වැනිදා ඇඳිරි නීතිය මුළු දිවයිනටම බලපාන පරිදි ක්‍රියාත්මක කිරීමෙන් පසුව ධීවරයෝ සිය රාජකාරීවලින් ඉවත්ව සිටියහ.

පසුව ඊයේ(24) රජය මගින් ඇඳිරි නීතිය ක්‍රියාත්මක කාලය තුළ මාළු ප්‍රවාහනයට සහ ධීවර කටයුතු සුපුරුදු පරිදි කරගෙන යාමට ඉඩකඩ ලබා දුන්නේය.

ධීවර වරායන්වලට මසුන් රැගෙන පැමිණි බහුදින සහ එක්දින ධිවර යාත්‍රාවලින් මාළු බෑම සහ වරාය තුළදී මාළු අලෙවි කිරීම, ග්‍රාමීය ප්‍රදේශවලට අලෙවි කිරීම සඳහා මාළු ප්‍රවාහනයට මෙමගින් අවසරය හිමිව ඇත.