IMG-LOGO

2025 දෙසැම්බර් මස 01 වන සඳුදා


දඹුලු ආර්ථික මධ්‍යස්ථානය හෙට සිට දිනතුනක් වහයි

(කාංචන කුමාර ආරියදාස)

දඹුල්ල විශේෂිත ආර්ථික මධ්‍යස්ථානය අප්‍රේල් මස 5, 6 සහ 7 යන දිනයන් තුනේ වසා තැබීමට තීරණය කළ බව දඹුල්ල ආර්ථික මධ්‍යස්ථාන වෙළෙඳ සංගමයේ සභාපති ඡන්න  ඇරැවුල මහතා  අද(04)  පැවසීය.
 
දඹුල්ල මහ නගර සභාවේ නගරාධිපති ජාලිය ඕපාත මහතාගේ උපදෙස් පරිදි නාගරික සෞඛ්‍යය වෛද්‍ය නිලධාරී වෛද්‍ය සිතාර  විතානගේ මහතාගේ අත්සනින් යුතුව ලිපියක් මගින් ආර්ථික මධ්‍යස්ථාන වෙළෙඳ සංගමය වෙත මෙම දැනුම් දීම සිදු කර ඇත.
 
ඇඳිරිනීතිය ඉවත්වෙන දින සහ ඊට පෙර දින අති විශාල ජනතාවක් දඹුල්ල ආර්ථික මධ්‍යස්ථානයට ඇතුළු වීමත් සමග රෝගය පැතිර යෑමේ දැඩි අවදානමක් පවතින බැවින් මෙම තීරණය ගෙන ඇත.
 
ඒ අනුව මෙම යෝජනාව වෙළඳ සංගමය සාකච්ඡාකොට තීරණය කළ බව සභාපති ඡන්න  ඇරැවුල මහතා සඳහන් කළේයග
 
දඹුල්ල ආර්ථික මධ්‍යස්ථානය රටේ ආහාර අවශ්‍යතාවයත් මහජනතාවගේ ආරක්ෂාවත් පිළිබඳව දැඩි කැපකිරීමක් කරමින් ආර්ථික මධ්‍යස්ථානය විවෘත කර තිබුණු බවත් එහෙත් විශාල ජනතාවක් ගැවසීම නිසා මෙම තීරණයට එළඹි බවත් පැවසිය .
 
 ආර්ථික මධ්‍යස්ථානයට ලැබෙන එළවලු අලවි කිරීම සඳහා විශේෂ ක්‍රමවේදයක් සකසා ඇති බවද සභාපතිවරයා පෙන්වා දුන්නේය.
 
 
 ඒ අනුව දිවයිනේ ප්‍රාදේශීය ලේකම් කාර්යාල හරහා සකසා ඇති මෙහෙයුම් මැදිරිය මඟින්  කොට්ඨාශයට අවශ්‍ය එළවලු  ප්‍රමාණය දුරකථනය හරහා දැනුම් දීමෙන් පසු ආර්ථික මධ්‍යස්ථාන ව්‍යාපාරිකයන් 150 දෙනාම තම ගොවියන්ට ඒ බව දැනුම් දී අවශ්‍ය එළවළු අස්වැන්න නෙලා  ප්‍රාදේශීය ලේකම්  කාර්යාල වෙත යැවීමෙන් නව වැඩපිළිවෙළක් ක්‍රියාත්මක කළ බව සභාපතිවරයා සඳහන් කළේය.
 
ආර්ථික මධ්‍යස්ථානය විශාල වශයෙන් ජනතාව ගැවසීම සහ එළවළු අලෙවි කිරීම සම්බන්ධයෙන්  කාර්ය සාධක බළකායේ ප්‍රධානියෙක් බැසිල් රාජපක්ෂ මහතා  රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් මහතා සමඟ දඹුල්ල නගරාධිපති ජාලිය ඕපාත මහතා ඇතුළු කණ්ඩායම සාකච්ඡාකොට සියලු දෙනාගේම එකගතාවය පරිදි මෙම තීරණයට එළඹි බව ද හෙතෙම වැඩිදුරටත් කියා සිටියේය.
 
මෙම වයිරසය පැතිරයාම පාලනය කිරීම සඳහා රජය ගන්නා උත්සාහයට සහයෝගයක් ලබා දෙමින් ආර්ථික මධ්‍යස්ථාන ව්‍යාපාරිකයන් මෙම කැපකිරීම කරන බවද හෙතෙම සඳහන් කළේය.
 
දඹුල්ල ආර්ථික මධ්‍යස්ථානය පසුගිය ඇදීරි නීති සමයේ මේ දක්වාම විවෘත කර තැබිණි.
 
ආර්ථික මධ්‍යස්ථානයට විශාල වශයෙන් ජනතාව ඇදී ඒම නිසා දැඩි අනාරක්ෂිත භාවය පැවතිණි.


 



අදහස් (0)

දඹුලු ආර්ථික මධ්‍යස්ථානය හෙට සිට දිනතුනක් වහයි

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 226 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 280 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1193 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site