IMG-LOGO

2024 ජුලි මස 18 වන බ්‍රහස්පතින්දා


දකුණු කොරියාව පාසල් විවෘත කරයි

දකුණු කොරියාවේ දරු දැරියන් සඳහා ලබන සතියේදී පාසල් විවෘත කරන බව එරට බලධාරීහු අද (4) ප්‍රකාශ කළහ.
 
පසුගිය දින කිහිපයේදී දකුණු කොරියාවෙන් වාර්තා වූ ආසාදිතයන්ගේ ගණන සැලකිය යුතු ලෙස අඩු වී තිබේ. දකුණු කොරියාව මේ වනවිට රට සාමාන්‍ය අතට ගැනීම සඳහා පියවර ගනිමින් සිටී.
 
‘කොවිඩ්-19’ වසංගතයේ ව්‍යාප්තියත් සමඟ මාර්තු මස මුලදී දකුණු කොරියාවේ පාසල් වසා දැමිණි. දකුණු කොරියාව කොරෝනා වයිරසයෙන් වැඩිම බලපෑමක් එල්ල වූ රටවල් අතුරින් එකකි. එක් අවස්ථාවකදී චීනයෙන් පසු වැඩිම බලපෑමක් එල්ල වූ රට බවට පත්ව තිබුණේ ද දකුණු කොරියාවයි.
 
එහෙත් මේ වනවිට වසංගතය පාලනය කළ රටවල් කිහිපය අතරට දකුණු කොරියාව ද එක්ව ඇත. වසංගතය පාලනය කිරීම සඳහා දකුණු කොරියාව දැඩි ක්‍රියාමාර්ග ගත්තේය. ‘‘ආසාදිතයන් හඳුනාගනිමින් පරීක්ෂණ කරමින් ප්‍රතිකාර කිරීමේ’’ වැඩසටහන් විශාල වශයෙන් ක්‍රියාත්මක කිරීමට දකුණු කොරියානු බලධාරීහු පියවර ගත්හ. දකුණු කොරියාවේ එම වැඩසටහන් ලොවපුර බොහෝ දෙනකුගේ ඇගයීමට ලක්ව ඇත.
 
දකුණු කොරියාවේ ගුරුවරු අප්‍රේල් මාසයේ සිට අන්තර්ජාලය ඔස්සේ ඉගැන්වීම් කළහ. ලබන සතියේ බදාදා සිට ජූනි 1 වැනිදා දක්වා අදියර කිහිපයක් යටතේ පාසල් විවෘත කරන බව බලධාරීහු කීහ.
 
‘‘පාසල් විවෘත කිරීමෙන් ‘කොවිඩ්-19’ අවසන් වූ බව කියවෙන්නේ නැහැ’’ යැයි දකුණු කොරියාවේ අධ්‍යාපන අමාත්‍ය යූ එවුන් හේ පැවැසුවාය. පාසල් ‘කොවිඩ්-19’ වසංගතයට පෙර පාසල්වල පැවැති නිදහස් සහ ක්‍රියාශීලී තත්ත්වයට නැවත පත් කිරීමට පියවර ගන්නා බවත් එසේ වුවත් සෞඛ්‍යාරක්ෂිත ක්‍රමවේද ඉදිරියටත් අනුගමනය කරන බවත් ඇය කීවාය.

ආහාර විවේකයේදී හැර අන් සියලු අවස්ථාවලදී සිසු සිසුවියන් මුඛ/ මුහුණු ආවරණ පැළැඳිය යුතු අතර සෞඛ්‍යාරක්ෂිත සමාජ දුරස්ථභාවය පවත්වාගත යුතුය.
 
පාසල් පැමිණි දවසේ මුල්ම කාර්යය ලෙස සිසු සිසුවියන් ඔවුන්ගේ මේස පිහිදැමිය යුතු බව ද දකුණු කොරියානු අධ්‍යාපන අමාත්‍යවරිය සිහිපත් කළාය.
 
‘‘දරුවෝ මුලින්ම ඔවුන්ගේ මේස පිහිදාන්න ඕනේ. අපි ඒ සඳහා උපදෙස් ලබාදෙනවා’’ යැයි ඇය සඳහන් කළාය.
 
දකුණු කොරියාව මෙලෙස පාසල් විවෘත කිරීමට පියවර ගන්නේ බදාදා සිට සමාජ දුරස්ථභාවයට අදාළ සීමා ලිහිල් කිරීමට තීරණය කර ඇති අවස්ථාවක ය.
 
නව කොරෝනා වයිරසයේ ව්‍යාප්තියත් සමඟ කල්දැමුණු බේස්බෝල් සහ පාපන්දු ඇතුළු වෘත්තීය ක්‍රීඩාවල නව තරගවාරය මේ සතියේදී ආරම්භ වීමට නියමිතය. එහෙත් ප්‍රේක්ෂයන් සඳහා මෙම තරග විවෘත නොකිරීමට බලධාරීහු තීරණය කර ඇත.
 
සඳුඳා එනම් අද (4) දකුණු කොරියාවෙන් වාර්තා වූයේ ආසාදිතයන් 8 දෙනකු පමණි. දකුණු කොරියාවේ රෝග පාලන මධ්‍යස්ථානයට අනුව අද පස්වරු වනවිට එරටින් වාර්තා වූ ආසාදිතයන්ගේ ගණන 10,801කි. එරටින් වාර්තා වන මරණ ගණන 252කි.
 
.එෆ්.පී.
 
055 

 



අදහස් (0)

දකුණු කොරියාව පාසල් විවෘත කරයි

ඔබේ අදහස් එවන්න

එසැණ පුවත්

ලෝක උරුමයක් වූ මහා වංශය පුස්තකය
2024 ජුලි මස 17 220 0

පේරාදෙණිය විශ්ව විද්‍යාලයේ පුස්තකාලය සතු මහා වංශය පුස්තකය ලෝක උරුමයක් ලෙස නිල වශයෙන් ප්‍රකාශයට පත් කිරීම යුනෙස්කෝ සංවිධානයේ අධ්‍යක්ෂ ජෙනරාල් අවුඩ්


අලුතෙන් හැදූ දුම්රිය නිවාස වැඩකට ගෙන නෑ
2024 ජුලි මස 17 263 0

රුපියල් කෝටි තිහකට ආසන්න මුදලක් වැය කර පොළොන්නරුව දුම්රිය ස්ථානයේ නිලධාරීන් සඳහා ඉදිකළ නිවාස සංකීර්ණයේ ව්‍යාපාරික කටයුතු සඳහා දෙවැනි මහලේ සහ පහත මාල


බදු පැහැර හැරී වැල්ලවත්තේ සමාගමකට සිතාසි
2024 ජුලි මස 17 298 0

භාණ්ඩ ආනයනය කර ශ්‍රී ලංකාවේ රේගුවට රුපියල් කෝටි 17කට අධික බදු ගෙවීම පැහැර හැරී වැල්ලවත්තේ පුද්ගලික සමාගමකට අගෝස්තු 26 වෙනි දින අධිකරණය ඉදිරියේ පෙනී සිට


ඔන්ලයින් ණය ගෙන පොලු තියලා
2024 ජුලි මස 17 712 0

කිසිදු ලේඛනයක් ඉදිරිපත් නොකර ජංගම දුරකථනය ඔස්සේ මාර්ගගත ක්‍රමයට ණය ලබාගෙන නොගෙවා පැහැර හැරි පුද්ගලයන් සියයකට අධික පිරිසකට එරෙහිව ඔන්ලයින් සමාගම් මග


බස්නාහිර ලක්ෂ 50 සිටින සුවිසල් නගරයක් කරනවා
2024 ජුලි මස 17 611 0

බස්නාහිර පළාත ලක්ෂ 50ක පමණ ජනතාවක් ජීවත් වන විශාල නගරයක් ලෙස සංවර්ධනය කිරීමට සැලසුම් කර තිබෙන බව ජනාධිපති රනිල් වික්‍රමසිංහ මහතා පැවසීය.


ඇමැති බන්දුල ඇමැතිකම ඇපේට තියයි
2024 ජුලි මස 17 1799 0

හෝමාගම ප්‍රදේශයේ ආරම්භ කළ රටබීමහල සතියක් තුළ ඉවත් කිරීමට කටයුතු නොකලහොත් තමන්ගේ පාර්ලිමේන්තු මන්ත්‍රී ධූරය හෝ අමාත්‍ය ධූරය සම්බන්ධයෙන් කිසිදු තැකී


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 125 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 990 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1873 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site