(දිල්රුක්ෂි ග්‍රේරු)

වැලිසර නාවික කඳවුරේ තවත් නාවික සෙබළුන් 30 දෙනකුට කොරෝනා ආසාදිත බව තහවුරු කරගෙන ඇතැයි යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පැවසීය.
 
ඊයේ දිනයේදී තහවුරු වූ 30 දෙනාද සමඟ අද වන විට  නාවික සෙබළුන් 60 දෙනකු ආසාදිත වී ඇති බවට යුද  හමුදාපතිවරයා කීවේය.

වැලිසර කඳවුර මේ වන විට සම්පුර්ණයෙන් හුදෙකලා කර ඇති බවත්  දිගටම පී සී ආර් පරීක්ෂණ සිදු කෙනෙ බවද හමුදාපතිවරයා සඳහන් කළේය.
 
ඔවුන් ඇසුරු කළ පුද්ගලයින්  සහ  නිවාඩු ලබා ගොස් සිටින පිරිසගේ නිවෙස්වල පිරිස් සියලුදෙනා පිළිබඳව  සොයා බලා නිරෝධායන කටයුතු සිදු කරන බවද  යුද හමුදාපතිවරයා කීවේය.
 
නාවික හමුදාව විසින්  ඔවුන් වෙනුවෙන් වෙනම නිරෝධායන මධ්‍යස්ථානයක් පිහිටුවන බවද  යුදහමුදාපතිවරයා අනාවරණය කළේය
 
 කොරෝනා මැඩලීමේ ජාතික ක්‍රියාන්විත මධ්‍යස්ථනයේ අද (24) පැවැති සාකච්ඡාවේදී ඔහු මේ බව සඳහන කළේය.