( තිළිණි ද සිල්වා )

දකුණු කොරියාවේ ඇතැම් රැකියා කොන්ත්‍රාත්තු ආරම්භ කිරීම ප්‍රමාද වී ඇති නමුත්, ඔවුන්ගේ රැකියාවන්හි සුරක්‍ෂිත බව විදේශ සබදතා අමාත්‍යාංශ ලේකම් රවිනාථ ආර්යසිංහ මහතා පැවසීය.

දකුණු කොරියාවේ සෝල් නුවර පිහිටි ශ්‍රී ලංකා තානාපති කාර්යාලය ඒ බව සහතික කර ඇති බව ද විදේශ අමාත්‍යාංශ ලේකම්වරයා වැඩිදුරටත් කීය.

කොරියාවේ කොරෝනා වසංගත තත්ත්වය හමුවේ රැකියා වල ස්වභාවය සම්බන්ධයෙන් කරුණු දක්වමින් අමාත්‍යාංශ ලේකම්වරයා මේ බව කියා සිටියේය.

ශ්‍රී ලංකාප තානාපති කාර්යාලය, කොරියානු ජනරජය තුළ ගිවිසුම් අවසන් කිරීමට නියමිතව සිටින අයගේ කොන්ත්‍රාත් කාලය දීර්ඝ කිරීම සඳහා පළාත් පාලන ආයතන සමඟ සාකච්ඡාවල නිරතව සිටින බවද අමාත්‍යාංශය ලේකම්වරයා කීය. 

මීට අමතරව, වර්තමාන ගෝලීය වසංගත තත්ත්වය නිසා සිදුවන අවතැන්වීම් හේතුවෙන් ඇතිවිය හැකි රැකියා හිඩැස් පිරවීම සඳහා පවත්නා ඉඩප්‍රස්ථා පිළිබඳව ද එම කාර්යාලය  සොයා බලන්නේ යැයිද හෙතෙම කීය.