2023 අප්රේල් මස 02 වන ඉරිදා
කොරෝනා යැයි සැක ගැබිනි මව්වරුන්ට මාතලේ රෝහලේ වෙනම ඒකකයක්
(මහේෂ් කිර්තිරත්න)
කොරෝනා වයිරසය ආසාදනය වී ඇති බවට සැක කරන ගැබිනි මව්වරුන් සඳහා මාතලේ මහ රෝහලේ විශේෂ ප්‍රතිකාර ඒකකයක් ස්ථාපනය කළ බව මාතලේ මහ රෝහලේ අධ්‍යක්ෂ වෛද්‍ය අසේල දිසානායක මහතා අද (08) පැවසීය.
වැඩිදුරටත් අදහස් දැක්වූ අධ්‍යක්ෂවරයා කියා සිටියේ මාතලේ දිස්ත්‍රික්කයේ මෙම රෝහල ඒ සඳහා වෙන් කළ බවත් ප්‍රතිකාර ලබා ගැනීමට පැමිණෙන රෝගීන් බාහිර ප්‍රතිකාර ඒකකය මගින් කණ්ඩායම් තුනකට බෙදා ප්‍රතිකාර සිදු කරන බවත් මෙම ආසදන තත්වය මැඩලීම සඳහා ගතහැකි සෑම පියවරක්ම ගන්නා බවත් ඒ සඳහා රෝහලේ සියලු කාර්ය මණ්ඩල කැපවී සිටින බවත් වෛද්‍ය අසේල දිසානායක මහතා සඳහන් කළේය.
මෙම රෝගි තත්වයන් පිළිබඳව විස්තර දැන ගැනීම සඳහා මාතලේ මහ රෝහලේ කෝවිඩ් 19 ඒකකයේ දුරකතන අංක 070 5355355 / 066 2222261 / 066 3062126 යන අංකවලට ඇමතීමෙන් විස්තර හා තොරතුරු ලබා ගත හැකි බවද වෛද්‍ය අධ්‍යක්ෂවරයා පැවසීය.
