කොරෝනා මැඬලීමට තුර්කියේ ජනපති මාස 7 ක වැටුප පිරිනමයි

තුර්කි ජනපති රිසෙප් ටයියීප් එර්දොගාන් මහතා සිය මාස 7 ක වැටුප කොරෝනා වයිරසය මැඩපැවැත්වීම සඳහා පරිත්‍යාග කර ඇතැයි වාර්තා වේ.

ජාතික සහයෝගිතා ව්‍යාපාරය ආරම්භ කරමින් ඔහු මෙම පරිත්‍යාගය සිදුකර තිබේ.

කැබ්නට් අමාත්‍යවරුන් හා නීතිවේදීන් ද මේ සඳහා අමෙරිකානු ඩොලර් අට ලක්ෂයකට ආසන්න මුදලක් පරිත්‍යාග කර ඇත.

වෛරසය පැතිරීම වැළැක්වීම සඳහා ගනු ලබන ක්‍රියාමාර්ගවලදී ආර්ථික වශයෙන් දැඩි පීඩාවට ලක්වන අඩු ආදායම්ලාභී පුද්ගලයින්ට සහන සැලසීම මෙම ව්‍යාපාරයේ අරමුණක් බව ජනපතිවරයා පැවසීය.

මේ අතර වයිරසයට එරෙහිව කටයුතු කිරීම සඳහා ගන්නා ක්‍රියාමාර්ග කිහිපයක් ද ප්‍රකාශයට පත්කර ඇත.

නගාරාන්තර ගමනාගමනයට සීමා පැනවීම, සියලු ජාත්‍යන්තර ගුවන් ගමන් අවලංගු කිරීම සහ සතිඅන්ත දිනවලදී එළිමහන් ස්ථාන වසා දැමීම ඒවා අතර වෙයි.

තුර්කියෙන් මේ වන විට වයිරසය ආසාදිත රෝගීන් සංඛ්‍යාව 10,827 ක් වාර්තා වන අතර සිදුවී ඇති මරණ සංඛ්‍යාව 168 කි.

(සීඑන්එන් ඇසුරෙනි)

-226-

අදහස් (9)

කොරෝනා මැඬලීමට තුර්කියේ ජනපති මාස 7 ක වැටුප පිරිනමයි

ravi Tuesday, 31 March 2020 06:05 AM

ඇමෙරිකානු ඩොලර් සියයකටත් අධික පුද්ගලික දේපොළක හිමිකාරයෙක් වෙන ඇර්දොගාන් මාස 7ක වැටුප් ජනතාව වෙනුවෙන් පුජා කෙරුවලු. මේක තමයි මෙයා කරපු ලොකුම විහිලුව .. !!!

: 0 0

රවින් Tuesday, 31 March 2020 06:45 AM

ඔං අපේ රටේ කට්ටියට නම් මේවගේ වැඩවලට සහබාගි වෙන්න බැහැ. තියෙන්නේ භාරකාර කැබිනෙට්ටුවක්, රටේ ප්‍රධාන පුටුව බාරගෙන යන්තං මාස තුන හතරයි ගෙවුනේ. ඒ අතරතුර දියවන්නාවේ තිබුණු කුඩුවෙත් දොරවල් ඇරලා. රටේ පවතින තත්වය උඩ කොමිෂන් ගැනත් හිතන්න අමාරුයි. මෙවැනි උභතොකොටික ප්‍රශ්න වැලයි. හොඳමදේ තමා ඇටිකෙහෙල් ගිල්ල උගුඩුවො වගේ බලාගෙන ඉන්න එක.

: 4 7

Sri Lankan Tuesday, 31 March 2020 07:01 AM

අපේ රටේ මුලූ සේසතම ජනතාවට පිරිනමපු 225 ට සහ සියලු ශ්‍රී ලංකා පාලකයින්ට මගේ හදපිරි මෙව්වා එක... ජනතාව ඔයාලව අවුරුදු 72 කන්න , බොන්න , වාහන , සහ මුලූ පව්ලම නඩත්තු කලා. ඔයාලගෙන් රටේ අහිංසක ජනතාවට වෙන මුකුත් එපා කෑම, බෙහෙත් ටික “නයට “ (පසුදිනක මුදල් ගෙවීමට ) හදන්න ක්‍රමයක් නැත්නම් ඇති වැඩේ මොකක්ද ?

: 2 48

කපුරු හාමි Tuesday, 31 March 2020 08:25 AM

ඒකටත් එක්ක.... අපේ රටේ දුශිත දේශපාලුවන් ..පවුල් පිටින් ජනතාව ගසාකාපු එකාලා.

: 0 9

mahinda Tuesday, 31 March 2020 08:36 AM

අනේ පිංකල තුර්කින්නේ, තොප කල පිං නිසයි එවන් රජේක් තොපට ඉන්නේ.... අප කලපවු නිසයි අපෙ මුදලින් උන්ගේ දෙමාපියන්ගේ සොහොන් තැනූ රජෙක් අපිට ඉන්නේ...

: 1 16

Nuwan Tuesday, 31 March 2020 08:46 AM

කෝ හප්පා අර චීනගෙන් චීනාගේම වයිරසේ පාලනය කරන්න ගත්තු මිලියන 500 ණය?

: 0 20

ලුම්බිණි Tuesday, 31 March 2020 09:21 AM

ඒකට අපේ රටේ...

: 0 1

Raveendra Tuesday, 31 March 2020 09:50 AM

හුරේ ඔන්න කරනවා නම් පිං අතේ වැඩ.... අපේ සත් ගුණවත් " දියවන්නඔය පට්ටියේ 225 ටම " මෙය කියවීමට හැකි වේවා !!! පිං බත් ගිලපු එකේ කළගුණයවත් තැබීමට 225 මහගු අවස්ථාවක් ලැබී ඇති බැවින් එය නිසි ලෙස ප්‍රයෝජනයට ගනු ඇතැයි අප තරයේ විස්වාස කරන්නෙමු....

: 1 0

athura Wednesday, 01 April 2020 04:24 AM

රවින්ද්‍ර මහත්මා ඇයි දියවන්නාවේ 225 ගැනම විතරක් කතා කරන්නේ ? එතකොට ලොකුම කෙනා.

: 0 1