(සුමතිපාල දීයගහගේ )
 
හබරාදුව ප්‍රාදේශීය සභා බල ප්‍රදේශය තුළ කෙරෝනා සහන කටයුතු ක්‍රියාත්මක කිරිම සදහා රුපියල් ලක්ෂ 35 ක මුදලක් යොදා ගැනීමට විශේෂ සභා රැස්වීමකදී සියලුම ප්‍රාදේශීය සභා මන්ත්‍රීවරුන්ගේ එකඟත්වය හිමිවූ බව හබරාදුව ප්‍රාදේශීය සභාවේ සභාපති දිල්ෂාන් විදානගමගේ මහතා  පැවසීය.
 
 එම මුදල්වලින් රුපියල් ලක්ෂ විසි පහක් වැය කර ප්‍රාදේශීය සභා බල ප්‍රදේශයේ පදිංචි අඩු ආදායම්ලාභී පවුල් පන් දහසකට වියළි ආහාර ද්‍රව්‍ය මල්ලක් බැගින් ලබා දෙන  බවදවිදානගමගේ මහතා කීය.
 
 ග්‍රාම නිලධාරින්ගේ නිර්දේශ මත මෙම වැඩ පිළිවෙල ක්‍රියාත්මක කරනු ඇත.
 
 මීට අමතරව ප්‍රදේශයේ බස් නැවතුම්පොලවල් සහ වෙනත් ඉපොදු ස්ථාන විෂබීජහරණය කිරීම අත් සේදිමේ දියර ලබාදීම ඇතුලු විෂබීජහරණය කිරිමේ කටයුතු සදහා ඉතිරි රුපියල් ලක්ෂ දහය වැය කරන බවද විදානගමගේ මහතා වැඩි දුරටත්
පැවසිය.