(ශාන්ත ප්‍රදීප් කුමාර  කුලරත්න)

හෝමාගම මූලික රෝහලේ ප්‍රතිකාර ලබන කොරොනා සැක  ආසාදිතයින්ගේ  දෛනික කටයුතු රොබෝ යන්ත්‍රයක් හරහා අද(28) සිට  සිදුකිරීම සෞඛ්‍ය සේවා අධ්‍යක්ෂක ජෙනරාල් අනිල් ජාසිංහ මහතාගේ ප්‍රධානත්වයෙන්  ආරම්භ කෙරිණි.

මෙම රොබෝ යන්ත්‍රය  සම්පූර්ණයෙන්ම දේශීය නිෂ්පාදනයක් වන අතර ඒ සඳහා ඇට්ලස් ආයතනය අනුග්‍රහය දක්වා ඇත .

පැය 24ක් තුල සවි කර ඇති මෙම   රොබෝ යන්ත්‍රය හරහා සිය දෙනෙකු යොදවා ලබා ගන්නා සේවාවන් ඉටු කරවා ගත හැකිය ..

ඒ අතර රෝගීන්ට ආහාර පාන හා ඖෂධ ලබා දීම ,රෝගියාගේ පණිවුඩ වෛද්‍යවරයාට ලබා දීම වෛද්‍ය වරයාගේ පණිවුඩ රෝගියාට ලබා දීම වාට්ටුව වාට්ටුවෙන් වාට්ටුවට හා රෝගියාගෙන් රෝගියා ළඟට ගමන් කිරීම ඇතුළු සේවාවන් රැසක් ඉටු කරවා ගත හැකිය..

තවද මෙම කාර්යය පරිගණක පද්ධතියක් හරහා සිදුවන අතර  ඊට අදාළ දත්ත යොමු කිරීමත් සමඟ සේවා ලබා ගැනීමට හැකිය..

එසේම මෙම රොබෝ යන්ත්‍රය භාවිතා කිරීමෙන්  වයිරසය  පැතිරීමට ඇති අවස්ථා මඟ හැරෙනා අතර ප්‍රතිකාර සඳහා යොමුවන කාර්ය මණ්ඩලයට  වැය වන අමතර පිය වැය  ඉතිරි කර ගැනීමටත් හැකිවන බවද  පැවසේ....

මෙහිදී වැඩිදුරටත් අදහස් දැක්වූ  සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා පැවසුවේ මෙවන් රොබෝ යන්ත්‍ර 50 හැකි ඉක්මනින් රජයට ලබා ගෙන කොවිඩ්  19 වෛරසයට ප්‍රතිකාර කෙරෙන , රෝහල් වලට ලබා දීමට පියවර ගන්නා බවයි.

මෙම අවස්ථාවට සෞඛ්‍ය සේවා අධ්‍යක්ෂ ජනරාල් අනිල් ජාසිංහ ප්‍රාදේශීය ප්‍රාදේශීය සෞඛ්‍යය සේවා සෞඛ්‍යය සේවා අධ්‍යක්ෂ විශේෂඥ වෛද්‍ය ඉන්දික ජාගොඩ,හෝමාගම මූලික රෝහලේ වෛද්‍ය අධිකාරි විශේෂඥ වෛද්‍ය ජනිත හෙට්ටිආරච්චි මහතා ඇතුළු පිරිසක් සහභාගී වී සිටියහ.