ප්‍රින්ස් රත්නායක

රත්නපුර මහ රෝහළ වෙත  පීසීආර් පරීක්ෂණ සඳහා යොමු කළ  වැලිසර නාවික හමුදා කඳවුරේ සිටි දෙදෙනකුට වයිරස ආසාදනය වී  ඇති බවට තහවුරු වීමෙන් පසු අද (25) කොළඹ අයිඩීඑච් රෝහළ වෙත යොමු කළ බව රත්නපුර මහරෝහළේ අධ්‍යක්ෂ වෛද්‍ය අනෝජ් රොඩ්රිගු මහතා සඳහන් කළේය.

අවිස්සාවෙල්ල හා ගොඩකවෙල සෙබලුන් දෙදෙනාට වයිරසය ආසාදනය වී ඇති බවත් ඉඹුල්පේ නෙල්ලිවල නාවික සෙබලාගේ  අාසාදිත තත්වයක් නොමැති මුත් තත්වය තවදුරටත් තහවුරු කරගැනීමට   අයිඩීඑච් රෝහලට යවා ඇති බව තොරතුරු අනාවරණය වෙයි.

ඉඹුල්පේ  සෞඛ්‍ය වෛද්‍ය නිලධාරී කලාපය තුළ නිරෝධායනය සඳහා සම්බන්ධ වු  පුද්ගලයින් 45 දෙනෙක් දෙනෙකු ස්වයං නිරෝධායනයට ලක් කර ඇති බව ඉඹුල්පේ සෞඛ්‍ය වෛද්‍ය නිලධාරී ආනන්ද මංජුල ගොඩගේ මහතා සඳහන් කළේය

බළන්ගොඩ ස්වයං නිරෝධායනයට යොමුකළ පිරිස 24 කි. ඒ අනුව බළන්ගොඩ හා ඉඹුල්පේ කලාපයන් දෙකෙහි පුද්ගලයින් 69 ක් නිරෝධායනයට යොමුකිරීමට පියවරගෙන  ඇත.