බිමල්  ෂ්‍යාමන් ජයසිංහ 

කෙසෙල් තොගයක් පටවාගෙන දක්ෂිණ අධිවේගී මාර්ගය ඔස්සේ පැමිණෙමින් තිබූ ලොරියක් අද අලුයම කිලෝමීටර් 9.3  හේන්ගොඩ ප්‍රදේශයේ  දී පෙරලී යාමෙන් රියදුරු සහ සහායකයා සුළු තුවාල ලැබූ බව දක්ශිණ අධිවේගී රථ වාහන පොලිසිය කියයි.

අනතුරින්  ලොරි රථයට අලාභ සිදුවී ඇති අතර අධිවේගී මාර්ගයෙහි දේපල වලට  කිසිදු අලාභයක් සිදුවී නැති බව පොලිස් නිලධාරියෙක් පැවසීය.

අඟුණකොළපැලැස්සෙ සිට කොට්ටාවට කෙසෙල් තොගය රැගෙන ඒමේදී ලොරියට මාර්ගය මැද පෙරලී මෙම අනතුර වී ඇතැයි පොලිස් නිලධාරියෙක් පැවසීය.

ලොරි  රථයට අධික බරක් යෙදීම හේතුවෙන් එය පෙරැළී ඇති බව පොලිසිය කියයි.