(නිමන්ති රණසිංහ)

කොරෝනා වයිරසය ආසාදිතව සිටි නාවික හමුදාවේ සාමාජිකයින් 325 දෙනකු සම්පූර්ණ සුවය ලබා රෝහල්වලින් පිටව ගොස් ඇතැයි යුධ හමුදාපති ලූතිනන් ජනරාල් ශවේන්ද්‍ර සිල්වා මහතා අද (26) පැවසීය.

එම සාමාජිකයින් 325 දෙනා පී සී ආර් පරීක්ෂණවලට ලක්කර පූර්ණ සුවය ලබා රෝහල්වලින් බැහැර වී ඇති අතර, මේ වන විට නාවික හමුදා සාමාජිකයින් 300 දෙනෙකු රෝහල්ගතව ප‍්‍රතිකාර ලබන බවත් යුධ හමුදාපතිවරයා කීවේය. එසේම, කොරෝනා වයිරසය ආසාධිත වූ නාවික හමුදා සාමාජිකයින් ගණන 625ක් බවද යුධ හමුදාපතිවරයා ස`දහන් කළේය.

යුධ හමුදාපතිවරයා එසේ පැවසුවේ කොවිඞ් 19 පැතිරීම වැළැක්වීමේ ජාතික කි‍්‍රයාන්විත මධ්‍යස්ථානයේ අද (26) සවස පැවැති මාධ්‍ය හමුවකදීය.

ති‍්‍රවිධ හමුදාව විසින් පවත්වාගෙන යනු ලබන ගෝල්ඞ් සෑන්ඞ් මධ්‍යස්ථානයේ 31 දෙනකු, සහ රුවල නිරෝධායන මධ්‍යස්ථානයයෙන් 06 දෙනකුද වශයෙන් නිරෝධායන මධ්‍යස්ථානවලින් 37 දෙනකු නිරෝධායන කි‍්‍රයාවලියෙන් අනතුරුව පී සී ආර් පරීක්ෂණවලට ලක්කර අද (26) සිය නිවෙස් වෙත පිටත් කර හරින ලද බවද යුධ හමුදාපතිවරයා කීය.

ඒ අනුව, අද (26) දින වන විට ති‍්‍රවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන තුළින් 10,832 දෙනකු නිරෝධායන කි‍්‍රයාවලිය අවසන් වී ඔවුන්ගේ නිවෙස් වෙත පිටත් කර හැර ඇතැයි ද යුධ හමුදාපතිවරයා පැවසීය.

ති‍්‍රවිධ හමුදාව ම`ගින් පාලනය කරනු ලබන නිරෝධායන මධ්‍යස්ථාන 41ක 4,12 දෙනකු මේ වන විට නිරෝධායනය වෙමින් සිටින බව ද යුධ හමුදාපතිවරයා වැඩිදුරටත් ස`දහන් කළේය.