IMG-LOGO

2024 පෙබරවාරි මස 29 වන බ්‍රහස්පතින්දා


සංවර්ධන කටයුතු විවෘත කිරීමේ උත්සව මාලාවකට අගමැති එක්වේ

ගෙවීගිය සතිය පුරා අගමැතිවරයා පසුගිය වසර තුන තුළ ඉදිකළ සංවර්ධන ව්‍යාපෘති රැසක් විවෘත කර ජනතා අයිතියට පත්කිරීමේ කටයුතු රැසක නිරත විය.


ඉන් පළමුවැන්න වූයේ රුපියල් ලක්ෂ 2800ක් වැය කරමින් බණ්ඩාරගම ඉදිකළ පොදු වෙළඳ සංකීර්ණය විවෘත කිරීමය. දෙවැන්න වූයේ මාලිගාවත්ත - ලක්හිරු සෙවණ නිවාස සංකීර්ණයේ නිවාස 384ක ව්‍යාපෘතිය විවෘත කිරීමය. ඒ සඳහා රුපියල් ලක්ෂ 15,300ක් වැයකර තිබිණ.


අනතුරුව අංගසම්පූර්ණ ජාතික පාසල් රට පුරා ස්ථාපිත කිරීමේ වැඩපිළිවෙළෙහි මූලික අදියර ලෙස කුරුණෑගලදී විවෘත වූ රුපියල් ලක්ෂ 10,000ක් වැය කළ විශ්වෝදා ජාතික පාසල සිසු අයිතියට පැවැරිණ.


දකුණේ පමණක් නොව උතුරේද සංවර්ධන ව්‍යාපෘති රැසක් ජනතා අයිතියට පැවරීම සඳහා අගමැතිවරයා බ්‍රහස්පතින්දා උදයේම උතුරු පළාත බලා පිටත්විය.


කෝපායි-වලිකාමම්හි නව ප්‍රාදේශීය ලේකම් කාර්යාලයේ ගොඩනැගිල්ල මෙන්ම යාපනය ශික්ෂණ රෝහලේ නව හදිසි අනතුරු ඒකකය විවෘත කිරීම, කිලිනොච්චි රෝහල සඳහා වෛද්‍ය උපකරණ දීම හා හදිසි අනතුරු ඒකකය සඳහා මුල් ගල් තැබීම, නැවත පදිංචි කිරීමේ නිවාස සංකීර්ණය සඳහා මෛලඩි හා මන්නාරම පුල්ලිමුනෛ ඒ අතර මූලිකත්වයක් ගත්තේය.


යාපනය සංචාරයට පිටත්වීමට පෙර අරලියගහ මැදුරට උදෑසනම පැමිණි අගමැතිවරයා සුපුරුදු ලෙස මැති ඇමතිවරුන්, රාජ්‍ය නිලධාරීන් හා කෙටි කතා බහකද නිරත විය.
“මහනුවර අධි වේගයේ මීරිගම ඉදලා කුරුණෑගල දක්වා කොටසේ වැඩ නිමවෙන විදිය පෙන්නන්න නිකාය හතරේම ප්‍රධාන හිමිවරුන් වැඩම කරවා නිරීක්ෂණ චාරිකාව කරපු එක කිරිඇල්ල ඇමැතිතුමා කළ වැදගත් වැඩක්”, නවීන් දිසානායක කතාවට මුළපිරීය.


“මේ ආණ්ඩුව යටතේ ඉදි කළ ලොකුම ව්‍යාපෘතිය ඔය අධි වේගයයි. අපට අන්තිමට පෙන්නන්න තිබෙන්නෙත් ඒක විතරයි”, වෛද්‍ය කාවින්ද ජයවර්ධන කී දේ සියලු දෙනා අනුමත කළහ.


“මා මල් පූජා කරන්න දළදා මාලිගාවට ගියාම මහ නාහිමිවරුන්, කෝ මහත්තයෝ නුවර අධිවේගය කියා ඇහුවා. තවත් සමහරු හාස්‍යයට ලක් කරන්නත් පාර ගැන ඇහුවා. මේ අවුරුද්ද අන්තිමට විවෘත කරන පාර බලන්න යමු කියා මා මහ නාහිමිවරුන්ට යෝජනා කළා.”


“පහුගිය සඳුදා මහනුවර හාමුදුරුවරුත් සියයක් වැඩම කරවලා පාර පෙන්නුවා. නිකාය හතරෙම අනුනාහිමිවරුන් පාර බලා හරි සතුටු වුණා. මහ නාහිමිවරුන්ට විස්තර වාර්තා කරනවා කියලත් කිව්වා.’’


“පාරේ මේ කොටස තව මාස කීහිපයකින් විවෘත වුණාම පස්යාලේ ඉඳලා මීරිගමට ගිහින් ඊට පස්සෙ කුරුණෑගල හරහා මහනුවරට යන්න හොඳ පාරක් ලැබෙනවා. නුවර මිනිස්සුන්ට පැය එක හමාරකට වඩා ඉතිරි වේවි.”


“කඩවත ඉඳලා මීරිගම දක්වා කොටසත් ලබන අවුරුද්දේ විවෘත කරන්න පුළුවනි. මේක මගේ හීනයයි. ඕනෑම ආණ්ඩුවක් කන්ද උඩරට ජනතාවට දීපු ලොකුම තෑග්ග මේ අධිවේගයයි”, ලක්ෂ්මන් කිරිඇල්ල ප්‍රකාශ කළේ ඉතා හැඟුම්බරවය.


“හමුදාව යුද අපරාධ හා ස්ත්‍රී දූෂණ කළ බවත් හා ඔවුන්ට විරුද්ධව පියවර ගත යුතු බවත් මහින්ද මහත්තයා දෙමළ මාධ්‍යවේදීන්ට කිව්වා.


“අනික අතුරුදන්වූවන් ගැන හොයන සත්‍ය හා සංහිඳියා කොමිසමට අදාළ කැබිනට් පත්‍රිකාව හා තවත් පත්‍රිකා 12 ක් අගහරුවාදා කැබිනට් එකේදී කල් තැබුණා. කොමිසමට අදාළ පත්‍රිකාව විතරක් කල් දැම්මා කියා ප්‍රවෘත්තිය ප්‍රචාරය වීම පුදුමයක්”, නලීන් බණ්ඩාර කීවේය.


“සමහර ප්‍රවෘත්ති පිටවෙන හැටි ගැන දැන් අපට හිතාගන්න පුලුවනි. මේක ඉතා නරක වැඩක්. සත්‍ය හා සංහිඳියා කොමිසමෙන් කරන්නේ ඇත්ත හොයා ගැනීම මිසක් කාටවත් දඬුවම් නියම කරන එක නොවෙයි.’’ අගමැතිවරයා කීවේ මදක් ආවේගයෙනි.


”පාර්ලිමේන්තුවේදී ජනාධිපතිතුමා ගිය සතියේ ව්‍යවස්ථාදායක සභාව ගැන කළ කතාවට කතානායකතුමා සැර උත්තරයක් දීපු එකට කවුරුත් ප්‍රශංසා කරනවා. ජනාධිපතිගේ කතාවේ විකෘති කිරීම් හා අසත්‍ය චෝදනා රැසක් තිබූ බව කතානායකතුමා සාක්කි සහිතව පෙන්වා දීමත් වැදගත්”, දයා ගමගේ කීවේය.


“ජනාධිපතිතුමාගේ කතාවෙන් මානව හිමිකම් කොමිසම ගැනත් කියවුණා. කතානායකතුමා විතරක් නොවෙයි මානව හිමිකම් කොමිසමත් එතුමාට ප්‍රතිචාර දක්වා නොමඟ යැවීම් නොසුදුසු බවත්, ඒ හරහා කොමිසමේ ස්වාධීන කටයුතු අධෛර්ය කරවන බවත් ප්‍රකාශ කළා.” නවීන් දිසානායකද ඊට යමක් එක් කළේය.


“වතු කම්කරුවන්ගේ ප්‍රශ්නය තාම ඇදෙනවා.” හේෂා විතානගේ මෙන්ම රංජිත් අළුවිහාරේද ඇමැති නවීන් දිසානායක දෙස බලා මතු කළේ එකම පැනයකි.


“වතු කම්කරුවන්ගේ අතට රුපියල් 1000ක් දෙන එක මගේත් ස්ථාවරයයි. ඒත් ඊ.පී.එෆ්., ඊ.ටී.එෆ්. කැපෙන විදියට ඒක ඕනෑ කියා වෘත්තීය සමිති ඉල්ලීම් කළා. ඒ නිසා ප්‍රශ්නය ටිකක් ඔද්දල් වුණා වගෙයි.”


“එහෙත් මා අගමැතිතුමා එක්ක කතා කරා ඊළඟ අය-වැයෙන් ආණ්ඩුව ගානෙ දිනකට රුපියල් පනහ ඔවුන්ට දෙන්න එකඟ කර ගත්තා. තේ ශක්ති අරමුදලේ සල්ලිත් ඒකට දානවා. ආණ්ඩුව ඒවා ඒ අරමුදලට යළිත් දෙන්නත් පොරොන්දු වුණා.”, නවීන් දිසානායක පැහැදිලි කළේය.


”අපේ ජනපති අපේක්ෂක පොහොට්ටුවේ කෙනෙකු මිසක් පිටස්තර පක්ෂයක කෙනෙකු නොවන බව බැසිල් රාජපක්ෂ ප්‍රසිද්ධියේම කියා අභියෝග කළේ ජනාධිපති මෛත්‍රීට අපේක්ෂකත්වය දෙන්නේ නැහැ කියලා වෙන්න ඕනෑ. එතකොට ජනාධිපතිතුමාට දැන් තමන්ගේ ශ්‍රීලනිප පාක්ෂිකයන් අනාථ නොකර තනියම හරි ජනපතිවරණයට එන්න වෙනවා.”


“එතුමා පොහොට්ටුවට අගමැතිකමයි, ආණ්ඩුවයි දෙකම හොරෙන් අරන් දී ඔන්න අන්තිමට වෙච්ච වැඬේ.” වෛද්‍ය කාවින්ද ජයවර්ධන කීවේ කාගේත් සිනා මැදය.

 

 

 



අදහස් (0)

සංවර්ධන කටයුතු විවෘත කිරීමේ උත්සව මාලාවකට අගමැති එක්වේ

ඔබේ අදහස් එවන්න

කරලියේ කතාබහ

එහාට මෙහාට පැනිලි
2024 ජනවාරි මස 08 300 0

නව වසරේ ජනපති රනිල් මුණගැසී සුබපැතීමට මැති ඇමතිවරු රැසක් පැමිණ සිටි අතර, බන්දුල ගුණවර්ධන, ශෙහාන් සේමසිංහ, රංජිත් සියඹලාපිටිය, වජිර අබේවර්ධන එහි පෙරමුණ


හැමතැනම සන්ධාන ගැහෙන්න සාකච්චා
2024 ජනවාරි මස 01 187 0

ජනපති රනිල් වික්‍රමසිංහ ඉකුත් සතියේ රැඳී සිටියේ කොළඹින් එපිට නුවරඑළියේය. සම්ප්‍රදායක් ලෙස සෑම වසරකම අවසාන දින කිහිපය ඔහු ගෙවා දමන්නේ නුවරඑළියේ හෝ දි


අයවැය අස්සේ අයවැය ගැන කතා නැත
2023 නොවැම්බර් මස 25 207 0

එදින සවස එක්සත් ජාතික පක්ෂ කළමනාකරණ කමිටු නියෝජිතයන් මුණගැසුණු ජනපති රනිල් පක්ෂයේ ඉදිරි කටයුතු ගැන සාකච්ඡා කළේය. මහලේකම් රංගේ කීවේ දෙසැම්බර් මාසය තු


සජිත් - අනුර වර්ජනය කළ නායක හමුව
2023 ඔක්තෝබර් මස 23 302 0

පාර්ලිමේන්තු මැතිවරණ ක්‍රමය වෙනස් කිරීමේ කෙටුම්පත මේ වනවිට දැඩි කතාබහට ලක්වෙමින් තිබේ. එය කැබිනට් මණ්ඩලයට ඉදිරිපත් කරනු ලැබුවේ ආචාර්ය විජේදාස රාජපක


ඡන්ද කල්දාන සාස්තර පොත එලියට
2023 ඔක්තෝබර් මස 16 255 0

රත්නපුර සීවලි මධ්‍ය විද්‍යාලයේ ශිෂ්‍ය පාර්ලිමේන්තුවේ මංගල සැසිවාරය ජනපති රනිල් වික්‍රමසිංහගේ ප්‍රධානත්වයෙන් ජනාධිපති ලේකම් කාර්යාල ශ්‍රවණාගාරයේ


ජර්මනියේදී ගහපු හයට පොහොට්ටුවෙන් චියර් එකක්
2023 ඔක්තෝබර් මස 07 277 0

බදාදා දිනයේ දී ජනපති හමුවූ ආණ්ඩුවේ මන්ත්‍රීවරු ජර්මන් මාධ්‍ය ආයතනයක් සමඟ කළ කතාව ද ඇදගත්හ. රට වෙනුවෙන් මෙන් ම ආසියාව වෙනුවෙන් කළ කතාව සැවොම අගය කළහ.


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 395 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 338 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 329 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site