IMG-LOGO

2024 ජුලි මස 12 වන සිකුරාදා


රටේත් ජනතාවගේත් අපේක්ෂාව ළමා පරපුරයි

ගුරු විදුහල්පති වෘත්තීය සමිති සහ රජය අතර පැවැති සාකච්ඡා අසාර්ථක වී තිබේ. ඒකාබද්ධ මාධ්‍ය හමුවක් කැඳවමින් ගුරු - විදුහල්පති වෘත්තීය සමිති අවධාරණය කරනු ලැබුවේ අග්‍රාමාත්‍යවරයා ලබාදුන් විසඳුම පිළිගත නොහැකි හෙයින් වැඩවර්ජනය අඛණ්ඩවම ඉදිරියට ගෙන යන බවය.

අධ්‍යාපන අමාත්‍ය දිනේෂ් ගුණවර්ධන මහතා මාධ්‍යයට ප්‍රකාශ කර සිටියේ ගුරු විදුහල්පති වෘත්තීය සමිති හා අග්‍රාමාත්‍යවරයා අතර වූ සාකච්ඡාවේදී අදියර දෙකකින් වැටුප් වැඩි කිරීමට පියවර ගන්නා බවට පොරොන්දු වූ බවය. එමෙන්ම ගුරුවරුන්ට ලබා දෙන වැටුප් වැඩිවීම පිළිබඳව අයවැයෙන් යෝජනා ඉදිරිපත් කරන බවද අමාත්‍යවරයා ප්‍රකාශ කර තිබිණි.

ගුරු විදුහල්පති වෘත්තීය සමිති පවසන්නේ ගුරුවරුන්ගේ වැටුප් වැඩිකිරීම එකවර සිදු කරන්නැයි රජයට බලකරන බවත් පියවර දෙකකින් වැටුප් වැඩිකිරීම පිළිනොගන්නා බවත් ය.

ජර්මන් ජාතික මහා නාට්‍යකරුවකු වූ බර්ටෝල්ට් බ්‍රෙස්ට් ‘කොකේසියන් චෝක් සර්කල්’ නමින් නාට්‍යයක් නිෂ්පාදනය කළේය. හෙන්රි ජයසේන මහතා එම නාට්‍ය පිටපත සිංහල භාෂාවට පරිවර්තනය කර ‘හුණුවටයේ කතාව’ නමින් නාට්‍යයක්ද නිර්මාණය කළේය. එම නාට්‍ය අවසන් වන්නේ අසඩක්ගේ අපූරු නඩු තීන්දුවකිනි. යුද්ධයේදී දරුවාද දමා පලා ගිය රජ බිසය යළි දරුවා සොයා ගන්නීය. ඒ වනවිට එම රජ දරුවා අපමණ සෙනෙහසින් හදාවඩා ගත්තී ගෲෂා නම් සේවිකාවය. රාජ්‍ය දේපොළවල අයිතිය ලබා ගැනීමට දරුවාගේ අයිතිය අත්‍යවශ්‍ය වූ හෙයින් නටාලියා දරුවාව ඉල්ලා සිටියද දරුවාට ඇති ආදරය නිසාම ගෲෂා එය ප්‍රතික්ෂේප කළාය. අවසානයේදී දරුවාගේ සැබෑ අයිතිය තෝරාදීමේ වගකීම පැවරෙන්නේ අසඩක්ටය. ඔහු කළේ හුණුකූරකින් රවුමක් ඇඳ දරුවා එහි හරි මැද තැබීමය. දරුවා හුණු වටයෙන් එළියට ඇදගන්නා කාන්තාවට දරුවා ලබාදෙන බව කීවේය. දරුවාගේ දෙපසින් අල්ලාගත් ගෲෂා හා නටාලියා දරුවා දෙපැත්තට ඇද්දාහ. දේපොළ තණ්හාවෙන් යුතු නටාලියා වැරෙන් දරුවා ඇද්දාය. දරුවාට ආදරේ ඇති ගෲෂා දරුවා අතහැරියාය. දරුවාට සැබෑ ලෙසම ආදරය කරන්නේ කවුදැයි විනිශ්චය කළ අඩසක් දරුවාගේ බාරකාරත්වය ගෲෂාට පැවරුවේය.

අද අපගේ දරුවන් සිටින්නේ හුණුවටයක් මැදය. එක් පසෙකින් ගුරු හා වෘත්තීය සමිතිය. අනික් පැත්තෙන් රජය ය. ගුරු වෘත්තීය සමිති ඉල්ලන ඉල්ලීම් එලෙසින්ම ලබාදීමට රජය කටයුතු නොකරයි. ඉල්ලීම් ලබාදෙනතුරු අඛණ්ඩව වර්ජනයේ යෙදෙන බව ගුරු වෘත්තීය සමිති අවධාරණය කරයි. වසර දෙකකට ආසන්න කාලයක් නිසි අධ්‍යාපනයක් නොමැතිව අපගේ දරුවෝ අසරණව බලා සිටිති.

‘‘මේ මොහොතේ සියල්ලටම වඩා වැදගත් වන්නේ රටේ දරුවන්ට අධ්‍යාපනය ලබාදීම බැවින් රට සහ රටේ අනාගතය ගැන සිතා සියල්ල අමතක කර නොමිලයේ හරි උගන්වනවා කියා දරුවන්ට අධ්‍යාපනය ලබා දෙන්නැයි තමන් ගුරුවරුන්ගෙන් කාරුණිකව ඉල්ලා සිටින බව ආචාර්ය ඉත්තෑපාන ධම්මාලංකාර කෝට්ටේ ශ්‍රී කල්‍යාණි සාමග්‍රි ධර්ම මහා සංඝ සභාවේ මහානාහිමියන් ප්‍රකාශ කළ බව අප පුවත්පත ඉකුත්දා වාර්තා කළේය. තවත් නායක ස්වාමීන්ද්‍රයන් වහන්සේලා විශාල පිරිසක් එම ඉල්ලීම කළ බව මාධ්‍ය වාර්තාවන්හි සඳහන්ය.

මේ මොහොතේ දෙමාපියන් සිටින්නේ අති මහත් භීතියකින් හා අසහනයකිනි. තම දරුවන්ගේ අනාගතය සම්බන්ධයෙන් එබඳු භීතියක් ගොඩ නැගීම සාධාරණය. දරුවන්ගේ මුළු මහත් අනාගතයම රැඳී පවතින්නේ ලබන අධ්‍යාපනය තුළ බව මවුපියෝ දනිති. එහෙයින් දෙමාපියන් දරුවන් දෙස බලන්නේ අධ්‍යාපනය නමැති ප්‍රිෂ්මය තුළිනි.

අද දරුවා යනු හෙට රටේ අනාගතයයි. ‘විද්‍යා දදාති විනයං’ යැයි කියමනකි. එයින් කියැවෙන්නේ විද්‍යාව හෙවත් අධ්‍යාපනයෙන් විනය හැදෙන බවය. අධ්‍යාපනය නොලබන්නේ නම් ඒ දරුවා තුළ විනයක් ඇති නොවේ. එසේනම් අපගේ අනාගත දරු පරම්පරාවන් යනු විනයෙන් තොර පරම්පරාවක්ද යන ප්‍රශ්නය පැන නගී. ගුරු - විදුහල්පති වැඩ වැරුම රටේ අනාගතයත් සමග තදින්ම ගැට ගැසී ඇත්තේ එසේය. එහෙයින් ගුරු විදුහල්පති වෘත්තීය සමිති මෙන්ම රජයත් මෙම කාරණාව සම්බන්ධයෙන් තියුණු අවධානය යොමු කළ යුතුය.

ගුරු වෘත්තීය සමිති මේ වනවිටත් අනගිතම ජයග්‍රහණයක් ලබා තිබේ. එනම් ගුරු විදුහල්පතිවරුන්ගේ වැටුප් විෂමතාවක් තිබෙන බව රජය පිළිගැනීමය. එතැනින් නතර නොවී එය විසඳීමට ගන්නා පියවරක් රජය ප්‍රකාශයට පත්කර තිබේ.

කෙසේ වුවද දරුවන්ගේ අනාගතය ගැන ගුරු වෘත්තීය සමිතිත් ආණ්ඩුවත් යන දෙපාර්ශ්වයම මෙම ප්‍රශ්නයේදී එක තැනකට පැමිණිය යුතුය. එය අපගේ ප්‍රාර්ථනයයි.

මෙහිදී අපි දෙපාර්ශවයට මෙම ආයාචනය කරනවා මිස එක් පාර්ශවයකට පමණක් ඇඟිල්ල දික් නොකරමු. එසේම දෙවියකු වන්නට නොහැකි නම් ගුරුවරයකු වන්නැයි යන කියමනද මතක් කරමු.

(***)



අදහස් (1)

රටේත් ජනතාවගේත් අපේක්ෂාව ළමා පරපුරයි

Raveendra Monday, 18 October 2021 01:40 PM

රටේ දැවෙන ගැටළුවක් පිළිබඳව ඉතාමත් හොඳ විග්‍රහයක්. ඒ පිළිබඳව කතෘතුමාට අපගේ ප්‍රණාමය පුද කරන්නෙමු. පළමුව අප මෙම ගුරුවරුන්ගේ ඉල්ලීම් ඉතාමත්ම සාධාරණ බව කිසිදු විවාදයකින් තොරව පිළිගන්නෙමු. එනමුත් රටේ පවතින වාතාවරණය පිළිබඳව කිසිඳු තැකීමක් නොකිරීම, තමන්ගේ ඉල්ලීම් පමණක් දිශානතිය කරගැනුම නිවැරදිද යන්න මෙම ගුරුවරුන්ට නොතේරුණාද නොව... නමුත් ඔවුන්ගේ නායකයින් කිසියම් හෝ හෝදාපාලුවට ලක්වුණු දේශපාලුවන්ගේ අතකොලු වූවා යන්න ඕනෑම කෙනෙකුට හොඳින්ම පැහැදිලි බවත් කිවයුතුයි. කවුරුන් නැත යන්න කීවත් එය ඒ ඒ අයගේ හිතට එකඟව නම් "ඔව් අප අහවල් අයගේ විස්තරය අස්සේ රිංගාගෙන තමයි ඉන්නේ යන්න තම හිතින් මුමුණනු නියතයි". අප කිසිවෙකු හිතන්නේ නම් අප දිනුම් අනිකා පරාදයි යන නිවට න්‍යාය සමගින්... ඒ අප සියල්ලෝම පරාදවීමකි. මෙහි භයානකම අතුරුඵලය නම් දරුවන් ගුරුවරුන් කෙරෙහි වෛරය, ද්වේශය හා තම ගුරු භක්තිය නැතිවීම ආදීන්ය. ඒ පිළිබඳව වගේ වගක් නැති "ගුරුහොරුන් තවමත් අං පටලවාගෙන තප්පුලන්නේ" මුදල් පමණක්ම තම ජීවිතය බව සනාථ කරමින් බව කණගාටුවෙන් සඳහන් කරන්නෙමු...

:       3       1

ඔබේ අදහස් එවන්න

කතුවැකිය

දුම්රිය වැඩ වර්ජනය ජාතික ඇසකින් බලමු
2024 ජුලි මස 12 75 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 41 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1037 0

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


වත්කම් බැරකම් නීති තදින්ම ක්‍රියාත්මක කරවමු
2024 ජුලි මස 09 159 0

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුව


තැපෑලේ අතිකාල මගඩි නතර කිරීමට ක්‍රමයක් නැද්ද?
2024 ජුලි මස 08 352 1

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරු


පාර්ලිමේන්තු කාලයෙන් උපරිම ප්‍රයෝජන ගනිමු
2024 ජුලි මස 06 143 0

පාර්ලිමේන්තුවේ පැය එකහමාරක හදිසි රැස්වීමක් පැවැත්වීම සඳහා රුපියල් කෝටියකට ආසන්න මුදලක් වැය වී ඇතැයි පසුගියදා වාර්තා වූයේය. පසුගිය 02 වැනිදා මෙම හදිසි


මේවාටත් කැමතිවනු ඇති

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 889 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1773 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3731 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

Our Group Site