IMG-LOGO

2024 ජුලි මස 17 වන බදාදා


විජේවීරගේ ‘බොඩි ගාඞ්’ට අවි පුහුණුව

ජවිපෙට එරෙහිව රළ ගැසූ “නව ප්‍රවණතාව”-03

 

වතුදුර යසරත්න ද සිල්වා නඩුවේ 2 වැනි විත්තිකරුය. ඩබ්ලිව්. වයි ද සිල්වා නමින් හැඳින්විණි. අම්බලන්ගොඩ බටපොල උපන්නෙකි. අම්පාරේ පදිංචිකරුවෙකි. සිව්දරු පියෙකි. යන්ත්‍රෝපකරණ දෙපාර්තමේන්තුවේ ලිපිකරුවෙකු වශයෙන් සේවය කරමින් සිටියදී එහි වෘත්තීය සමිතියේ සභාපතිවරයා විය. සම සමාජ පක්ෂයේ ක්‍රියාකාරිකයෙකු වූ ඔහු පසුව 70 දශකය අගභාගයේ දී ජවිපෙට එක්විය. කොළඹ සංවර්ධන සභාවට ජවිපෙන් 1981 තරඟ කළ අපේක්ෂකයෙකි. ජවිපෙ නව ප්‍රවණතාවයේ ආරම්භක ක්‍රියාකාරිකයෙකි. ප්ලොට් සමඟ වව්නියාවේ සාකච්ඡාවට එක්විය. නඩුවෙන් නිදහස්වීමෙන් පසු යළිත් සම සමාජයට එක්වී ඉන් ඉවත් විය.

 

සුබසිංහ මුදියන්සේලාගේ කුමාරසිංහ නඩුවේ 3 වැනි විත්තිකරුය. කිරි මහත්තයා හෙවත් වව්නියාවේ කුමාර නමින්ද හැඳින්විණි. වව්නියාව මඩුකන්දේ පදිංචිකරුවෙකි. රෝහණ විජේවීරගේ පෞද්ගලික ආරක්ෂකයෙකු වශයෙන් කලක් කටයුතු කළේය. ප්ලොට් සංවිධානය යටතේ ඉන්දියාවේ අවි පුහුණුව ලැබූවෙකි. ජවිපෙ නව ප්‍රවණතාවය සහ ප්ලොට් සමඟ වව්නියාවේ සාකච්ඡාවට එක් වූ අතර එය සම්බන්ධීකරණය කළේද ඔහුය. නිදහස්වීමෙන් පසු ඊ.පී.ආර්.එල්.එෆ් සංවිධානයේ ද කලක් සිටි කුමාරසිංහ පසුව ඩග්ලස් දේවානන්දගේ ඊ.පී.ඩී.පී පක්ෂයේ පූර්ණකාලිනයෙකු විය. භාෂා ත්‍රිත්වයේම දැනුම ඇත්තෙකි. වර්තමානයේ බිරිඳ සහ දරුවා සමඟ බි්‍රතාන්‍යයේ පදිංචිය.


මාලිගරත්නගේ අබේකෝන් නඩුවේ 4 වැනි විත්තිකරුය. රුවන් නමින්ද හැඳින්විණි. මහනුවර උපන්නෙකි. දක්ෂ චිත්‍ර ශිල්පියෙකි. පූර්ණකාලීනයෙකු වශයෙන් ජවිපෙට 70 දශකයේ මැදභාගයේ දී එක්විය. රත්මලාන ආසනයේ ජවිපෙ සංවිධායකව සිට ජවිපෙ තහනමින් පසු ජවිපෙ නව ප්‍රවණතාවයට බැඳිණි. නව ප්‍රවණතාවය සහ ප්ලොට් සමඟ වව්නියාවේ සාකච්ඡාවට එක්විය. රත්මලාන පදිංචි තිදරු පියෙකි. වෘත්තීය කලාකරුවෙකි.


තත්ත්‍රිඅච්චි පින්නවලගේ සුසිල් කරුණාරත්න නඩුවේ 8 වැනි විත්තිකරුය. 71 අප්‍රේල් කැරැල්ලට සම්බන්ධව වසර 2 ක් සිරගතව සිටියේය. පුත්තලම සිමෙන්ති කම්හලේ හිටපු ලිපිකරුවෙකි. කෑගල්ලේ පදිංචිය, ජවිපෙ තහනම් වන විට හම්බන්තොට ජවිපෙට අයත් අක්කර 100කට ආසන්න ආණ්ඩුවේ ඉඩමක පිහිටි නිල නොවන ගොවිපොළේ භාරකරුය.


නව ප්‍රවණතාවයේ ආයුධ කිහිපයක් ගබඩා කරගෙන තිබුණේ ඔහු භාරකරු වූ පැපිලියානේ ලී මෝලේය. දෙදරු පියෙකි. 2012 දී අභාවයට පත්විය. 


චිරත්ත ඉන්ද්‍රජිත් වීරවර්ධන නඩුවේ 15 වැනි විත්තිකරුය. රත්ගම කහව උපන් අතර අම්බලන්ගොඩ ධර්මාශෝක විදුහලෙන් අධ්‍යාපනය ලැබීය. අත්අඩංගුවට ගත්තේ 1986 අගෝස්තු 18 ය. මොරටු සරසවියේ ඉංජිනේරු උපාධිය පසුව නිමාකර වර්තමානයේ ඕස්ටේ්‍රලියාවේ පර්ත් නුවර ජීවත්වන ජ්‍යෙෂ්ඨ ඉංජිනේරුවරයෙකි.

 

ජවිපෙ නව ප්‍රවණතාවයේ නායක ගීනගේ චන්ද්‍රසිරි සිය මිතුරන් පිරිසක් සමඟ 2010 ජනවාරි රාජගිරියේදී, රතු රවුමෙන් දක්වා ඇත්තේ ඔහුය.

 

ආජරත්නම් ශ්‍රී ස්කන්ධරාජා නඩුවේ 16 වැනි විත්තිකරුය. බම්බල් නමින්ද හැඳින්විණි. ජවිපෙ යාපනය දිසාවේ සංවිධායකයකු වශයෙන් 1977 සිට 1983 දක්වා කටයුතු කිරීමෙන් පසු ජවිපෙ නව ප්‍රවණතාවය සහ ප්ලොට් සමඟ වවුනියාවේ සාකච්ඡාවට එක්විය. මඩකළපුවේ පදිංචිකරුවෙකි. වර්තමානයේ ඇමරිකාවේ පදිංචිය. අත්තනායක මුදියන්සේලාගේ ජයරත්න බණ්ඩා නඩුවේ 17 වැනි විත්තිකරුය. කුරුණෑගල මලියදේව විදුහලේ අධ්‍යාපනය ලැබූවෙකි. මාවතගම ජවිපෙ හිටපු ක්‍රියාකාරිකයෙකි. වෘත්තියෙන් ගුරුවරයෙකි. ලංකා ගුරු සංගමයේ කුරුණෑගල හිටපු දිස්ත්‍රික් ලේකම්ය. ජවිපෙ වෘත්තීය අංශයේ 1976 සිට 1983 දක්වා කටයුතු කළේය. විශ්‍රාම ගියේ කලාප අධ්‍යාපන විදුහල්පති උපදේශකවරයෙකු වශයෙනි. 


ලන්තුවාහැන්දි සැම්සන් ද සිල්වා නඩුවේ 18 වැනි විත්තිකරුය. ගුණසේකර හෙවත් ගුණේ නමින්ද හැඳින්විණි. පිළියන්දල පදිංචිකරුවෙකි. ගල්කිස්ස හෝටලයේ සේවකයෙකු වශයෙන් සිට ජවිපෙ හරහා නව ප්‍රවණතාවයට එක්විය. ව්‍යාපාරයට මුදල් රැස්කිරීමේදී 1985 ජුනි 30 මහනුවර තැන්නකුඹුරේ මංකොල්ලයේදී පොලිස් අත් අඩංගුවට පත්විය. වල්ගම්පොලගේ රවීන්ද්‍ර පද්මසිරි පෙරේරා නඩුවේ 19 වැනි විත්තිකරුය. රත්මලාන ජවිපෙ හිටපු සංවිධායකවරයෙකි. පසුව ජවිපෙ නව ප්‍රවණතාවයට එක්විය. වර්තමානයේ ව්‍යාපාරිකයෙකි. කොන්ගානිගේ සුසිල් ගාමිණී නඩුවේ 20 වැනි විත්තිකරුය. හලාවත පදිංචිකරුවෙකි. ලංගම රියැදුරෙකු වශයෙන් කටයුතු කළේය. ප්‍රා සංවිධානයේ සම නායකයාව සිටි තුයිහන්දියේ සරත් සිල්වාගේ හිතවතෙකි. හීනැටිගල පතිරණගේ ගාමිණී නඩුවේ 22 වැනි විත්තිකරුය. කළු මල්ලී නමින්ද හැඳින්විණි. ජවිපෙ හිටපු ක්‍රියාකාරිකයෙකි. රාජගිරිය ඔබේසේකරපුර පදිංචිකරුවෙකි. විදුලි කාර්මිකයෙකු මෙන්ම රියැදුරෙකි. 1976 සිට ජවිපෙ ක්‍රියාකාරිකයෙකුව සිට 1983 ඉවත්ව ජවිපෙ නව ප්‍රවණතාවයට අරමුදල් රැස්කිරීමේ අරමුණින් මහනුවර තැන්නකුඹුර ඉන්ධන පිරවුම්හල 1985 ජුනි 30 කොල්ලකෑමෙන් අනතුරුව පොලිසිය සමඟ ඇති වූ වෙඩි හුවමාරුවේදී සියතින්ම පිස්තෝලයෙන් මුහුණට වෙඩි තබා ගැනීමෙන් බරපතළ තුවාල ලබා එක් ඇසක් අහිමි විය.


අර්ඞ්ලි ෆ්‍රැන්සිස් ද වාස් තිලකරත්න නඩුවේ 23 වැනි විත්තිකරුය. වාස් තිලකරත්න හෙවත් සුනිල් ජයරත්න නමින්ද හැඳින්විණි. වඩුමස්තිගේ තිස්ස උදයකුමාර නඩුවේ 24 වැනි විත්තිකරුය. මඩකළපුවේ උපන් දෙදරු පියෙකු වූ ඔහු එරාවුර් සිංහල විද්‍යාලයේ අධ්‍යාපනය ලැබීය. උඩුගම්පොල පදිංචිකරුවෙකි. වෘත්තියෙන් ගොවියෙකි. ජවිපෙ පූර්ණකාලීනයෙකු ලෙස දීර්ඝ කලක් මඩකළපුවේ කටයුතු කළේය.


ඉනුහාමි මුදියන්සේලාගේ රම්බණ්ඩා නඩුවේ 26 වැනි විත්තිකරුය. මහව ගල්ගමුවේ පදිංචිකරුවෙකි. ලංගම කාර්මික නිලධාරියෙකු ලෙස උතුරු ඩිපෝවේ සේවය කළේය. ජවිපෙ ගල්ගමුව ආසනයේ සංවිධායක වූ ඔහු පසුව නව ප්‍රවණතාවයට එක්විය.

 

 



අදහස් (0)

විජේවීරගේ ‘බොඩි ගාඞ්’ට අවි පුහුණුව

ඔබේ අදහස් එවන්න

Diyatha News

රට රත් කළ ඇඟ බද්ද
2020 මාර්තු මස 28 12228 2

අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්‍ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි


ජේ.ආර්.ගෙන් ඇන්.ඇම්.ට චරිත සහතිකයක්
2020 මාර්තු මස 14 6818 1

මිත්‍රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල


ප්‍රභාකරන්​ගේ පළමු උණ්ඩයට බිලිවූ යාපා පටුනේ පළමු පුරවැසියා
2020 මාර්තු මස 14 14514 1

දෙමළ ඊළාම් විමුක්ති කොටි සංවිධානය (LTTE) විමුක්තිය උද‌ාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි


බත් දුන් පියා නූලෙන් දිවි ගලවා ගත් හැටි
2020 මාර්තු මස 14 14893 4

ලංකාවේ දෙවැනි අගමැති ඔහුය. ඔහුගේ පියා ලංකාවේ ප්‍රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත


ජෝන්ට ඇටවූ මර උගුල්
2020 මාර්තු මස 14 2778 0

කුල භේදය සම්බන්ධයෙන් උගුරට හොරා බෙහෙත් බීමේ ප්‍රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය


මැතිසබය ගෙදර යැවීමේ පුරාණයෙන්
2020 මාර්තු මස 14 433 0

පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්‍ෂ මහතා ජයග්‍රහණය ලැබීමෙන් පසුව මහින්ද රාජපක්‍ෂ මහතා අගමැති ධුරයට පත්කර රජයක් පිහිට


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 124 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 988 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1867 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site