IMG-LOGO

2024 පෙබරවාරි මස 26 වන සඳුදා


හොරා අල්ලන්න තැබූ මී කතුරට බිරියගේ අත අහුවෙලා

(වියලූව වාර්තාකරු)
තම අල්මාරියේ ඇති කැටයකින් විටින් විට මුදල් සොරාගන්නා නිවසේම සිටින සොරකු ඇල්ලීමට ගෙහිමියා විසින් අටවන ලද උගුලකට ඔහුගේ බිරිය අසුවූ බව කියන පුවතක් වාර්තාවේ.


සිද්ධිය මෙසේය.
නිවසේ ගෘහමූලිකයා ඉහළ වැටුපක් නොගත්තද ඔහු ලැබෙන වැටුපෙන් සිය දරු දෙදෙනාගේත් බිරියගේත් අඩුපාඩු පිරිමැසුවේ එය තම පරම යුතුකමසේ සලකමිනි.


මේ අතර හදිසියකදී ගැනීම සඳහා ඔහු පුරුද්දක් ලෙස කැටයක මුදල් ඉතිරි කළේය. තම අල්මාරියේම මුල්ලකට වන්නට තැබූ කැටයකට ඔහු ඉඳහිට කීයක් හෝ දැම්මේ එය හදිසියකදී වටිනා බව තම බිරියට ද පවසමිනි.


දින සති මාස ගණන් ගත වුවද කැටය පිරෙන බවක් නම් නොපෙනිණි.


තම කැටයෙන් මුදල් ගන්නේ පාසල් වියේ පසුවන දරු දෙදෙනා යැයි සිතූ හෙතෙම දරු දෙදෙනා මට්ටු කරන්නට අපූරු උපායක් කල්පනා කළේය.
පසුදින සේවය නිමවා නිවෙසට එද්දී ඔහු තම මිතුරකුගෙන් ඉල්ලා ගත් මී කතුරක්ද රැුගෙන ආවේ උපාය ක‍්‍රියාත්මක කරන්නටය. කැටය තරමක් අල්මාරියේ අස්සට වන්නට තැබූ ඔහු ඒ අසලින් මී කතුරද තැබුවේ සැලසුමේ අවසන් පියවර සම්පූර්ණ කරමිනි. ගතවූවේ දින කීපයකි.


සේවය නිමවා නිවෙසට පැමිණෙන ඔහුට දැකගන්නට ලැබුණේ බැන්ඬේජ් පටියකින් අත ඔතාගෙන සිටින තම බිරිය සහ ඒ අසලින් සිටින දරු දෙදෙනාය. තම සැලසුම ක‍්‍රියාත්මකවී ඇති බව දැනගත් ඔහු කිසිත් නොදන්නා පරිදි හේතුව විමසද්දී ඇය කියා සිටියේ නිවෙසට පැමිණි හිඟන්නකුට කීයක් හරි දෙන්නට අල්මාරිය අරිද්දී එහි තිබූ මී කතුරකට තම අත අසුවූ බවකි. මී කතුරක් බව නොදත් තමා මහ හඬින් බෙරිහන් දුන් බවත් අසල්වාසීන් නිවෙසට එක්රොක්වූ බවත් ඇය ලැජ්ජාවෙන් ඇඹරෙමින් කියා සිටියාය.


කෙසේ වුවත් මුවගට නැගි සිනහව යටපත් කර ගත් ඔහු ඇඟට නොදැනී කියා සිටියේ ”අල්මාරියේ හරියට මීයෝ මම මී කතුරක් ගෙනත් තිබ්බා” යනුවෙනි.



අදහස් (0)

හොරා අල්ලන්න තැබූ මී කතුරට බිරියගේ අත අහුවෙලා

ප්‍රභාත් අරුණ විතානගේ Wednesday, 21 January 2015 07:33 AM

ඒ තාත්ත හරි. තාත්තගෙන් ඉල්ලුවානම් දෙනවනේ. ගෙදර උනත් හොරකම් කළා නම් දඬුවම් දෙන්න ඕනේ. නැතිනම් ඊට වඩ ලොකු හොරකමක් කරලා හිරේ යන්න පුළුවන්. හොරකම කවුරු කලත් එකයි. නෝනට වියදමට සල්ලි දෙනවා නම් අැයි හොරකම් කරන්නේ. (නදී)

:       0       0

දිනේෂ් Wednesday, 21 January 2015 01:43 AM

මරු මොලකරයෙක්නේ මේ තාත්තා. ළමයෙක්ගේ ඇඟිල්ල වෙන් වුණා නම් නියම පාඩමක් තමයි. සමහර පිරිමින්ගේ මොළෙත් හැඳිමිටේ දිග තරම් වගේ කියල මේ කතාවෙන් පෙනෙන්නේ. (නදී)

:       0       0

සිරිපාල Wednesday, 21 January 2015 02:03 AM

ඉස්සර අපි පොඩි කාලේ තාත්තා වැඩට ගිහින් ඇවිල්ලා මුදල් පසුම්බියයි බඩු ටිකයි මේසෙ උඩ තැබුවහම අපි ගන්නවා පොඩි සල්ලි ටික.කවදාවත් තාත්තා මුකුත් කියලා නැහැ.තාත්තාටත් ලොකු පඩියක් තිබුණේ නැහැ.සල්ලි ගන්නේ තමන්ගේ අය බව දැන දැනත් ඒ අයගෙ අත් තුවාල කරන්න මී කතුරක් තියන්නෙ කොහොම අයද කියලා මට නම් හිතාගන්න බැහැ. (නි)

:       0       0

චමින්ද Wednesday, 21 January 2015 02:49 AM

හොඳ වැඩේ! (නි)

:       0       0

ලක්මාල් Wednesday, 21 January 2015 10:07 PM

බිරිය අහුවුණාම මොකද, වැරැද්ද කරලා? (නි)

:       0       0

මහින්ද රෝහණ Wednesday, 21 January 2015 03:39 AM

මමත් ඔයවගේ කතාවක් අහල තියෙනවා, හැබැයි, මී කතුරක් නම් නොවෙයි, ඒක රැවුල කපන තලයක්. (නදී)

:       0       0

සෝමේ Wednesday, 21 January 2015 03:44 AM

නියම තාත්ත කෙනෙක් හොඳ බුද්දිමතෙක් (නදී)

:       0       0

ප්‍රසාද් Wednesday, 21 January 2015 03:56 AM

ඒක වැරදි වැඩක්නේ යාළුවා. තම බිරිය හා ළමයින්ට වඩා මුදල් වටිනවද?හොරෙන් ගන්නේ ඔහු මුදල් දෙන්නේ නැතිනිසානේ (නි)

:       0       0

සංජීව Wednesday, 21 January 2015 05:03 AM

අනේ බොරු ප්‍රසාද් මෙයා හොඳයි අර කැලණිය පැත්තේ හිටපු ඇමැති කෙනෙක්ගෙ සම්බන්ධීකරණ ලේකම්ට (බ)

:       0       0

මනෝජ් Thursday, 22 January 2015 02:19 AM

සල්ලි ගත්තට කමක් නැහැ, අහන්න තිබුනා කවුද ගත්තේ කියලා. ඊටපස්සේ ඒකට නිසි පිළිතුරක් දෙන්න තිබුනා. මී කතුරට අත අහුවෙලා තුවාල වුණාම තවත් වියදමක්නේ (නි)

:       0       0

රෙක්ස් Friday, 30 January 2015 04:01 PM

හොරකම් කළත් කළකම් පල දෙනවා.(හේ)

:       0       0

මැණික් Wednesday, 21 January 2015 06:50 AM

සල්ලි ඕන නම් ඉල්ලන්න තිබුණානේ. ඔහොම හොරකම් කලාට පසුව මහත්තයා ආයෙත් මේ නෝනාව විශ්වාස කරාවිද ? (නදී)

:       0       0

සෙනරත් Friday, 23 January 2015 03:08 PM

ඉස්සර මා සමග එකට වැඩ කළ ලංකාදීප පත්තරයට පුවත් සපයන යාලුවෙක් හිටියා. ඔහුත් මෙවැනි නම් ගම් නැති ලස්සන පුවත් හදල පත්තරයට යවන බව අප සමග කියා තිබෙනවා. මෙම කතාව ගැන නම් කියන්නට දන්නේ නැහැ. (නදී)

:       0       0

සරත් Tuesday, 20 January 2015 10:17 PM

මට නම් නෝනා ගැන දුකයි. ඔය කැටේ ලක්ෂ ගණන් නැනේ. (නදී)

:       0       0

ඔබේ අදහස් එවන්න

දෙයියෝ සාක්කි

පොට්ටනිය ලෙඩාට පත්තුවෙලා
2024 පෙබරවාරි මස 22 1106 0

හේ බද්දෙගම පුරවරයට නුදුරු ගමක වෙසෙන්නෙකි. ගමන නිතරම යතුරු පැදියෙනි. දිනක් යතුරු පැදිය පදවාගෙන ගමනක් යාම සඳහා පිටත්විය. මේ ගමන අතරතුර දඩාවතේ යන බල්ලෙක්


මුහුණු පොතේ පාසල් පිටුවෙත් කුණු හරුප
2024 පෙබරවාරි මස 21 1407 0

දකුණේ මිශ්‍ර පාසලක නිල මුහුණු පොතේ පිටුවට එක්වූ අමුතුම ආකාරයේ වීඩියෝවකින් එම විදුහලේ ගුරු, සිසු, ආදි සිසුන් හා මවුපියන් තුෂ්නිම්භූත වූ අපූරු පුවතක් ගැ


බස් රියේ වැලන්ටයින් පෙම බීඩියකින් බ්‍රේක්වෙලා
2024 පෙබරවාරි මස 20 1735 0

තරුණයකු වැලන්ටයින්දා ඉතා අමාරුවෙන් යාළුකරගත් තරුණියක බීඩියක් නිසා අහිමි වූ අපූරු පුවතක් දකුණේ පිටිසරබද ප්‍රදේශයකින් වාර්තාවේ. වාර්තා වන අන්දමට සිද


බොරුව අතේ පත්තු වී මඟු‍ලත් කැඩිලා
2024 පෙබරවාරි මස 19 3891 1

දහනව හැවිරිදි දියණිය රැකියාවකට ගිය පසු වසර විස්සකට වැඩි කලක් රහසක්ව තිබූ සැමියාගේ රැකියාවේ තත්ත්වය පිළිබඳව කරුණු හෙළිදරව් වීමෙන් පසු බිරිය සැමියා අත


අලු‍ත් විදුහල්පතිනියගේ නැකතට පරණ විදුහල්පති වැඩට ඇවිත්
2024 පෙබරවාරි මස 16 1567 0

නව විදුහල්පතිනිය සුබම සුබ නැකතින් වැඩ බාර ගැනීමට සූදානම් වූ අවස්ථාවේදී මාරුවීම් ලද හිටපු විදුහල්පති නැවතත් එම විදුහලේ විදුහල්පති ලෙසට නැවත වැඩ බාර ග


අම්මකුගේ උත්තරේට විදුහල්පති තමන්ටම ගහගෙන
2024 පෙබරවාරි මස 15 1635 2

මත් ගුලියක් නිසා රජරට පළාතේ අතිදුෂ්කර පාසලක විදුහල්පතිවරයකුට තමාටම වේවැල් ප්‍රහාරයක් එල්ලකර ගැනීම‍‍ට සිදුවූ පුවතක් ඉකුත් දිනක අසන්නට ලැබුණි. මෙම පා


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 257 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 287 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 296 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site