ඔවුන් දෙදෙනාම එකම කාර්යාලයක සේවය කරති. ගජ මිතුරෝය. ආවෙ ගියේ එකටය. කෑවෙ බිව්වේද එකටය.

හිතවත්කම වැඩිවීමත් සමග යහළුවන් දෙදෙනා ඔවුනොවුන්ගේ ගෙවල්වලට ද යන්නට පුරුදුව සිටියෝය.

එක් යහළුවෙක් දකුණේය. දවසක් රාජකාරියෙන් පසු යහළුවා ද සමග පසුගිය දිනක තම නිවෙසට ගොඩවැදුණේ යහළුවා සමග කා බී විනෝද වීමටය.
ස්වාමිපුරුෂයාත්, ඔහුගේ යහළුවාත් උණුසුම් ලෙස පිළිගන්නට බිරිය අමතක නොකළාය. ගෙදරට ආ යහළුවාට හොඳට සැලකිය යුතුය. ඔහු කුස්සියට රිංගුවේය. අඩුපාඩු සෙව්වේය. යහළුවාට සලකන්නට තරම් සුදුසු තත්ත්වයක් මුළුතැන් ගෙයි නොවීය. දුක් මහන්සිවී හම්බකරන ලද මිල මුදල් ද රැගෙන ගෙයි හිමි යහළුවා පාරට බැස්සේ අවශ්‍ය කලමනා ගෙන එන්නට යහළුවා නිවසේ තනිකර දමාය. බිරිය ආගන්තුක සත්කාරය සඳහා නිවසේ ඒ මේ අත දුවමින් සිටියාය.

යහළුවාට සලකන්නට අවශ්‍ය සියලූ දෑ රැුගෙන නිවස හිමි යහළුවා ගෙදරට ගොඩවිය. පුදුමයකි. ඔහුට ඇස් අදහා ගත නොහැකි විය. තම යහළුවාටත්, තම බිරියටත් උන්හිටිතැන් අමතකවී තිබිණි. තම යහළුවාගේ උකුල උඩ වාඩිවී අල්ලාප සල්ලාපයේ යෙදෙමින් සිටින බිරිය දැක ඔහු යක්ෂාරූඪ විය.

බිරියට තම ස්වාමියාගෙන් ප‍්‍රහාරයක් එල්ල විය. තම හොඳම මිතුරා පැන දුවන්නට විය. සිද්ධිය පොලිසිය දක්වා දුරදිග ගියේය. තමාට බලහත්කාරකම් කරන්නට තම ස්වාමියාගේ මිතුරා සූදානම් වූ බව පැමිණිලි පොතේ සටහන් විය.

මනමාල යහළුවා පොලිසිය විසින් අත්අඩංගුවට ගැනිණි.

මනමාල යහළුවා ප‍්‍රකාශ කළේ තම යහළුවාගේ බිරිය සමග කාලයක පටන් සම්බන්ධයක් තිබුණු බවත් තම යහළුවාට සිද්ධිය එළිවූයේ එදින බවත්ය. තමන් තම යහළුවාගේ බිරියට බලහත්කාරකම් නොකළ බවත් ඔහු එහිදී ප‍්‍රකාශ කළේය.