(තිහගොඩ උපසේන ලියනගම)
තරුණ වියේදී විවිධ මත්ද්‍රව්‍ය වෙළෙඳාමට ඇබ්බැහි වී සිටි ඔහු යහපත් පුද්ගලයකුවූයේ හොඳ බිරිඳක් ලැබීම නිසාය. ඇගේ මග පෙන්වීම අනුව හොඳ ජීවිතයක් ගත කළත් දරුවන් තිදෙනකු ලද පසු ඔහු යළිත් මත් ව්‍යාපාරවලට සම්බන්ධවන ලකුණු පෙනිණ. මේ ගැන දොස් කී බිරිඳට ඔහු කීවේ ‘‘ළිඳට වැටුණු එකා ළිං කටින්ම ගොඩ ආ යුතු’’ බවකි.


පසුගියදා මත්ද්‍රව්‍ය ළඟ තබා ගැනීමේ චෝදනාව මත අත්අඩංගුවට ගත් ඔහුට උසාවියෙන් රුපියල් දස දහසක දඩයක් සමඟ සිව් වසරක සිර දඬුවමක් නියමවිය.
ඔහු බේරා ගැනීමට බිරිඳ ලොකු උත්සාහයක් දැරුවත් එය සාර්ථක නොවූ තැන ‘‘දැං ඉතිං අවුරුදු හතරක් ආයෙත් ළිඳේම ඉන්න වේවි’’ කියා ඇය උසාවි භූමියෙන් පිටතට ආවේ කඳුළු සලමින්ලූ.


දකුණු පළාතේ වියළි කලාපයට ආසන්න ගමකින් ඇසුණු පුවතකි.