IMG-LOGO

2025 දෙසැම්බර් මස 01 වන සඳුදා


බසය බදු ගත්තාට අපූරු පාඩමක්

එය ආසන  60 ඉක්ම වූ බස්රථයකි. ගමෙන් නගරයට ඇදෙන්නේ හිමිදිරියේය. සෑම බස් නැවතුම්පොළකින්ම හත්අට දෙනකු ගොඩවන අතර ඇතැමෙක් මෙහි අසුන් ‘සමාගම්’ වශයෙන් බෙදාගෙන සිටියහ. ඉදිරි අසුන්වල මෑතකදී දැන හඳුනාගත් ගැහැනුන් හා පිරිමින්ද  මැද අසුන්වල නව යොවුන් තරුණියන් ද පිටුපස අසුන්වල මේ සියලූ දෙනා මුසුවූ අට දෙනෙක් පමණ වූ කණ්ඩායමකින්ද සෑදී සිටියහ. සැමදා බස්රියේ යන්නන්  හැරුණු කොට අලූතින් ගොඩවන්නන්ට  ඔවුන්ගේ කිට්ටුවන්ත කමක් නොවීය. විවිධ වර්ණවලින් යුත් සාරිවලින් තරුණියන් සැරසී සිටි අතර තරුණයෝද ඊට ගැළපෙන වැදගත් කමක් ආරෝපණය කොටගෙන සිටියහ. බස්රථය ඉදිරි ප‍්‍රධාන නැවතුම් පොළකට ළඟා විය. පිරිසක් බැසීමට සිටි අතර මගීන් විශාල පිරිසක් බස්රථයට ගොඩවීමට ද සිටියේය. පිටුපස අසුනේ එක් අයකු නැගිට්ටේය. එම ස්ථානයෙහි වාඩිවීමට මැදිවියේ කාන්තාවක් සුදානම් වූවාය. නමුත් පසුපස කල්ලිය ඊට ඉඩ නොදුන්නේය. තරුණියන් පිරිස ඒ තැනට කල්ලියට ගැළපෙන තරුණයකු වාඩිකරවා ගත්තේය. සිද්ධිය දුටුවේ පසෙක වෙනත් අසුනක වාඩි වී සිටි  සරමක් බැනියමක් හැඳ සිටි මැදවියේ පුද්ගලයෙකි. සාමාන්‍ය ඇඳුමින් සැරසී සිටි කාන්තාව දෙස ඔහු   ඕනෑ කමින් බැලූවේය. ”එන්න නෝනා මෙතැනින් වාඩිවෙන්න. මම දැනුයි දැක්කේ. නෝනාට පින් සිද්ධ වෙන්න මට දැන් ඇවිදින්න පුළුවන්. හිටගෙන ඉන්නත් පුළුවන්. නෝනා මොකද අද බසයේ.” ඔහු හුන් තැනින් නැගිට ආසනය දුන්නත් ඇය ඔහු නැවතත් වාඩි කරවූයේය. ”නෑ නෑ ඔයා වාඩි වෙන්න මට තව දුරයි නේ. අද  වාහනයේ  පොඩි ලෙඩක් වුණා. ඒ නිසයි බසයේ ආවේ.” බස්රථය ප‍්‍රදේශයේ ප‍්‍රධාන පෙළේ රෝහලක් අසල නැවැත්වීය. ඇය එතැනින් බැස ගියාය. ”ඔය ළමයි දන්නවාද? ඒ නෝනා මේ ඉස්පිරිතාලේ අහවල් වාට්ටුව භාර දොස්තර නෝනා. ඇය  හින්දයි මම අද දෙපයින් ඇවිදල යන්නේ.” වැඩිහිටියා එසේ කියද්දී පසුපස අසුනේ තරුණයෝ කිහිප දෙනෙක් ලජ්ජාවෙන් ඇඹුරුණහ.



අදහස් (0)

බසය බදු ගත්තාට අපූරු පාඩමක්

කෝලිත Thursday, 23 February 2012 08:31 PM

මිනිස්සුන්ගේ මනුස්සකම් ටිකටික අති වෙනවා.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 226 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 280 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1193 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site