රාතී‍්‍ර කාලයේ තම පෙම්වතා සමඟ පැන යාමට සුදානම් වූ මොහොතේ ඇහැරුණු නිවසේ සිටි එකම කාන්තාව වූ මිත්තනියද ඔවුන් සමඟ යාමට සූදානම් වීමේ අපූරු පුවතක් පසුගියදා අසන්නට ලැබුණේ අවිස්සාවේල්ල ප‍්‍රදේශයේ කඳුකර ගමකිනි.
කතාව සැකෙවින් මෙසේය.
මව විදේශගතවී සිටි මේ තරුණියගේ සියලූ කටයුතු මිත්තනිය විසින් සොයා බැලූ අතර ඇගේ පියා පෞද්ගලික ආයතනයක ආරක්‍ෂක නිලධාරිවරයෙක් විය. ඔහු නිවෙසට ආවේ ඉඳහිටය.
ජංගම වෙළඳාමේ යෙදුණු  තරුණයකු මේ තරුණිය සමග හාදකමක් පවත්වන බව දැනගත් මිත්තනිය එය ඉවසා සිටියේ තමාටද ඉන් වාසි සැලසුණු හෙයිනි. ආරක්‍ෂක සේවයේ නියුතු පියා මීට විරුද්ධ වුවත් දිනක් මහ රෑ මේ තරුණයා සමග මිනිබිරිය පැනයාමට සූදානම් වූ මොහෙතේ ඇහැරුණු මිත්තනිය ”මාත් එනවා නැත්නම් අර පෝරිසාදය මාව මරා දමාවි” කියා ගමනට සූදානම් වූයෙන් තරුණයාට තරු පෙනුණාලූ.