දරුපල නැති බව දැනගෙන දෑවැද්දට දුන් එළදෙන ගෙනිහින්

(තිහගොඩ උපසේන ලියනගම)
විවාහයෙන් පසු උපදින දරුවන් දේශීය කිරිවලට හුරුකිරීම සඳහා දෑවැද්දට දුන් එළදෙනක එම පවුලට දරුවන් නොලැබීම නිසා ආපසු ගෙන ගිය වෙද මාමා කෙනකු පිළිබඳ අපූරු පුවතක් අසන්නට ලැබුණේ වියළි කලාපයේ ”පැලැස්ස” නම කියැවෙන ගම්මානයකිනි.

තම ඥාති පවුලක දියණියකගේ විවාහ උත්සවයේ දී දායාද දීම පිළිබඳව කතා කළ මේ වෙද මාමා ඇයට අපූරු දායාදයක් දෙන බව පවසමින් මේ තරුණ එළදෙන ඇයට දුන්නේ ලැබෙන දරුවන්ට වඩාත් පෝෂ්‍යදායක එළකිරි දෙන ලෙස පවසමිනි.

අසල්වැසි ගමක ස්ථිර පදිංචියට ගිය මේ නව යුවළට වසර පහක් වනතුරුම දරුවකු ලැබුණේ නැත. මෙය දැනගත් වෙද මාමා එම නිවෙසට ගිය අවස්ථාවක ”දැන් ඉතින් මේ දෑවැද්දෙන් උඹලට වැඩක් නෑ නෙව” කියමින් මේ වන විට දෙවරක්ම පැටව් ලබා සිටි මේ එළ ගවදෙන ආපසු තම ප‍්‍රදේශයට ගෙන ගියා ලූ.

අදහස් (0)

දරුපල නැති බව දැනගෙන දෑවැද්දට දුන් එළදෙන ගෙනිහින්

අසෝකා Tuesday, 24 March 2015 12:27 PM

අනේ වෙදමාමේ, තව අවුරුදු තුන හතරකින් ඔවුනට දරු සුරතල් බලන්න ලැබුනොත් ආපසු තෑග්ග තෑග්ගක් විදියටම දෙනවද? (නි)

: 0 0

වරුණ Tuesday, 24 March 2015 12:32 PM

අනේ අනේ වෙද මාමේ, මෙහෙම කරන්න හොඳද? (නි)

: 0 0

පිටබැද්දර ජයා Tuesday, 24 March 2015 12:51 PM

වෙද මාමාගේ එළදෙනත් තව ටික කාලයක් හිටියා නම් ඒ සතාත් කම්මැලි සතෙක් වෙයි. අරගෙන ගිය එකමයි කාරණාව (නි)

: 0 0

සම්පත් Wednesday, 25 March 2015 02:32 AM

මම හරි මාමේ දරුවෝ නැති නම් එළදෙනක් මොකටද (ම)

: 0 0

ධනුක Wednesday, 25 March 2015 12:16 PM

හැබැයි ඉතින් සමහරු ලැබිච්චි දරුවන්ට බනිනන හැටි දැක්කම නම්... දරුවෝ ලැබුන එකේ වටිනාකමක් නැහැ. නැති දාට තමයි තේරෙන්නේ. (ර)

: 0 0