IMG-LOGO

කුලී ගමනේ ගාස්තුවට කතකගෙන් කොසු පහරක්

ත්‍රිරෝද රථ රියැදුරු තම වීල්රථය ත්‍රිරෝද රථ නැවතුම්පොළෙහි නතරකර ගෙන සිටියේ කුලී ගමනක් එන තෙක්ය.


මඳ වේලාවකින් ටිකක් වෙරි වූ පුද්ගලයකු අවුත් “යමු මල්ලී” යැයි කියමින් ත්‍රිරෝද රථයට ගොඩවිය.


ඔහු අඳුනන අයකු බැවින් “කොහාට ද යන්නේ” යැයි ත්‍රිරෝද රථ රියැදුරු විමසීය.


“වෙන කොහේද? අපේ ගෙදර” යනුවෙන් වෙරි වූ පුද්ගලයා තතනමින් පැවසීය.


මඳ දුරක් ගොස් වීල් රථ රියැදුරු පිටුපස අසුන දෙස හැරී බලන විට දුටුවේ වෙරි වූ පුද්ගලයා පිටුපස අසුනේ ගොරවමින් නිදියන අයුරුය.


කුලී ගමන කෙටි දුරක් වූ බැවින් ඉක්මනින්ම වෙරි වූ පුද්ගලයාගේ නිවෙස වෙත ළඟා වීමට හැකි විය.


ත්‍රිරෝද රථය මිදුලේ නතර කළ රියැදුරු වීල් රථයේ පැමිණි පුද්ගලයාට “අයියේ, අයියේ නැගිටින්න. ගෙදරට ඇවිල්ලා” යැයි ඇඟට අත තබා සොලවමින් කතා කළේය.


එහෙත් වෙරි මතින් වූ පුද්ගලයා ඇසවත් නොඇරියේය. අවදි නොවීය.


පසුව ත්‍රිරෝද රථ රියැදුරු පිටුපසට ගොස් බීමත් පුද්ගලයා අත් දෙකට ගෙන ඉස්තෝප්පුවේ තිබූ ඇඳ මත තැබීය.


මේ කලබගෑනිය ඇසුණු බිරිය ගේ තුළ සිට ඉස්තෝප්පුවට පැමිණියේ ගේ අතුගාමින් සිටි කොස්ස ද රැගෙනය.


“අදත් කණමදයා වගේ බීලා ඇවිත්” බිරිය පැවසුවාය.


“මං ආවේ හයර් එකට” ත්‍රිරෝද රථ රියැදුරු කීය. “හයර් එකට... දෙන්න එක්ක බීලා වැඩි වුණාම ගෙනත් දමනවා” බිරිය පෙරළා පැවසුවාය.


“මං ඔය ජරාවල් කටේවත් තියන්නේ නැහැ” රියැදුරු පැවසීය. එවිට බිරිය “නෑ.... මගෙන් මොකුත් අහගන්නේ නැතුව යන්න මහත්තයා” කොස්ස ද ගෙන ඉදිරියට පැන්නේ රියැදුරුට පහරදීමටය.


එන පොට හොඳ නැති බව දැනගත් වීල් රියැදුරු ඉක්මනින් ත්‍රිරෝද රථයට ගොඩ වී එය පණගන්වා එතැනින් මාරු විය.
(අම්බලන්තොට විශේෂ - ඩී.ජී. ජයසුන්දර)



අදහස් (0)

කුලී ගමනේ ගාස්තුවට කතකගෙන් කොසු පහරක්

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 83 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 507 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 936 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site