(දේවහුව ප්රසාද් ජයකොඩි)
විවාහ වී වසර ගණනක් ගත වුවද තමන්ට දරුවන් නොමැතිවීම නිසා දරුවෙකු සොයමින් සිටි යුවළකට ගැබිනි මවක් තම දරුවා ප්රසූතකර ලබාදෙන බවට පොරොන්දු වී රුපියල් 28,000 ක මුදලක් ලබාගෙන දරුවා ලැබුණු පසු දරුවා නොදුන් පුවතක් ගලේවෙල ප්රදේශයෙන් වාර්තාවේ.
කෑගල්ල ප්රදේශයේ දරුවන් නොමැති යුවළ මෙම ගැබිනි මවට අවශ්ය ඇඳුම් පැළඳුම් වගේම පෝෂ්යදායි ආහාර මෙන්ම දරුවාට අවශ්ය දේවල් ද බොහෝ සේ ලබාදී ඇය සතුටින්තබා ඇත. දරුවා ප්රසූත කිරීමට මාසයක් පමණ තිබියදී මෙම ගැබිනි මව අදාළ පුද්ගලයන්ගෙන් රුපියල් 28,000 ක මුදලක් ලබාගෙන ඇත.
දරුවන් නොමැති යුවළ ගැබිනි මවට නිතරම දුරකතන ඇමතුම් දී ඇයගේ දුක සැප සොයා බලා ඇය නිතරම සතුටින් තබා ඇත. මේ අයුරින් කාලය ගතවනවාත් සමඟ ගැබිනි මවට දරුවා ලැබී ඇත. පසුව දින කිහිපයකින් දරුවා නීත්යනුකූලව හදා ගැනීමට කෑගල්ල ප්රදේශයේ යුවළ ඉල්ලා සිටිය ද තම දරුවා හදා ගැනීමට දීමට ක්රමයක් නොමැති බව මව පවසා ඇත්තේ දරුවා නිරෝගිව හා ලස්සනට සිටින නිසාය. උරණ වූ පිරිස පොලීසි ගොස් මේ පිළිබඳ පැමිණිලි කර දරුවා තමන්ට නොදෙන්නේනම් තමන් විසින් ලබාදුන් මුදල ඉල්ලා සිටියේය.
මුදල් ලබාගත් යුවළ දරුවාගේ මවට ශාප කරමින් කෑගල්ල ප්රදේශයට ගොස් ඇති බව වාර්තාවේ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
උපන් හැටියේ දරුවාට ලෝබ හිතී හදාගන්න දෙන්න බෑ කියලා
Pradeep Saturday, 16 May 2020 03:28 AM
දරුවා බිහි කළ මව කළ දේ වැරදිය. (දරුවා ලබා දෙන බව පවසා මුදල් ලබා ගැනීම) නමුත් වැලේ ගෙඩි වැලට බර නෑ කියනවා වාගේ ඒ අම්මට දරුවා ගැන ආදරයක් ඇති වෙන්න ඇති වෙන කෙනෙකුට නොදී සිටීමට තරම්. මව් සෙනෙහස නම් එයයි. දරුවන් නැති යුවල අර මවට ශාප කළ එක නම් වැරදියි. ඔවුන්ට දරුඵල ලැබීමට තරම් වාසනාවක් නැති වන්නට ඇත. එසේ වූ ඔවුන් ශාප කර තව තවත් සිදුකර ගන්නේ අකුසල්ම නොවේද.. "මාතා යථා නියං පුත්තං ආයුසා ඒක පුත්ත මනු රක්ඛේ ඒවම්පි සබ්බ භුතේසු මානසන් භාවයේ අපරිමානං"