කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 79දෙනෙකු සුවය ලබා අද(18) පිටව ගිය බව  උදෑසන 10.00ට වාර්තාවක් නිකුත් කරමින් වසංගත රෝග විද්‍යා අංශය කියයි.

ඒ අනුව, කොරෝනා ආසාදනය වීමෙන් සුවය ලැබූ සමස්ත ආසාදිතයන් ගණන 2755කි. මේ වනවිට රෝහල්ගතව ප්‍රතිකාර ලබමින් සිටින සංඛ්‍යාව 134 දක්වා පහළ බැස තිබේ.

සුවය ලබා අද පිටව ගිය පිරිස අතර, වැලිකන්ද මූලික රෝහලේ 7 දෙනෙක්ද, කන්දකාඩු ප්‍රතිකාර මධ්‍යස්ථානයේ 72දෙනෙක්ද වෙති.

අද උදෑසන වනවිට රෝහල් ගතකර ඇති කොරෝනා රෝගීන් යැයි සැකසහිත රෝගීන් ගණන 74ක් බව වසංගත රෝග විද්‍යා අංශය පවසයි.

ශ්‍රී ලංකාවේ සමස්ත කොරෝනා ආසාදිතයන් ගණන මේ වනවිට 2900ක් වන අතර, 11දෙනෙකු මියගොසිනි.