ශාන්ත චන්ද්‍රසිරි)

තලවකැලේ- ලිඳුල සෞඛ්‍ය වෛද්‍ය නිලධාරී කොට්ඨාසයට අයත් ඩයගම ටර්බට්ෆාම් සත්ත්ව ගොවිපල ආශ්‍රිතව කොවිඩ් වයිරසය ආසාදිත පුද්ගලයන් 37 දෙනකු අද (22) දින වාර්තාවී ඇතැයි සෞඛ්‍ය අංශ නිලධාරීහු පවසති.

මෙම ගොවිපල ආශ්‍රිතව කොවිඩ් වයිරස ආසාදිත පුද්ගලයන් හතර දෙනකු වාර්තාවීමත් සමග ඔවුන්ගේ ආශ්‍රිතයන් 91 කුට සිදු කරන ලද පී. සී. ආර්. පරීක්ෂණවලදී ඉන් පුද්ගලයන් 37 දෙනකු මෙසේ ආසාදිතයන් බවට තහවුරු වී ඇතැයිද ඔවුහු සඳහන් කරති.

ටර්බට්ෆාම් සත්ත්ව ගොවිපලේ සේවකයන් විශාල පිරිසක් මෙසේ කොවිඩ් ආසාදිතයන් ලෙස හමුව ඇති බවත් වයිරසය ආසාදිතව හඳුනාගත් පිරිසගේ ආශ්‍රිතයන් සියල්ල නිරෝධායනයට ලක් කොට ඉදිරියේදී ඔවුන් පී. සී. ආර්. පරීක්ෂණයට භාජනය කිරීමට කටයුතු කරන බවද සෞඛ්‍ය අංශ නිලධාරී කියති.