IMG-LOGO

ලෝකෙ කැරකෙන එක නතර වුණොත් ඡන්දය තියන්න බෑනේ

(තිලකරත්න දිසානායක)

ජනතාව ආරක්ෂා කරගනිමින් පාර්ලිමේන්තු මහ මැතිවරණය නියමිත පරිදි පවත්වනු ලබන බැවින් කොරෝනා තත්ත්වය පාලනය කරගත යුතු බව මැතිවරණ කොමිෂන් සභාවේ සභාපති මහින්ද දේශප්‍රිය මහතා අද(12) ගම්පහදී පැවසීය. 

මහ මැතිවරණය සම්බන්ධයෙන් නිලධාරීන් දැනුවත් කිරීම පිණිස  ගම්පහ දිස්ත්‍රික් ලේකම් කාර්යාලයේ අද පැවති වැඩසටහනකින් පසුව මාධ්‍ය හමුවේ අදහස් දක්වමින් සභාපතිවරයා එසේ සඳහන් කළේය.

මැතිවරණ රැස්වීම්වලදී ලබාදී ඇති සෞඛ්‍යාරක්ෂිත ක්‍රමවේද අනුගමනය නොකරන බවක් පෙනෙන්නට තිබෙනවා නේදැයි මාධ්‍යවේදීන් විමසූ අවස්ථාවේදී මහින්ද දේශප්‍රිය මහතා ඊට පිළිතුරු ලබාදුන්නේ මෙලෙසිනි. 

"මේ සම්බන්ධයෙන් සෞඛ්‍ය අධ්‍යක්ෂ ජනරාල් අනිල් ජාසිංහ මහත්තය දැනුවත් කිරීම් කරතිබෙනවා.  මැතිවරණ ප්‍රචාරක රැළිවලදී, සාමාන්‍ය රැස්වීම්වලට 100යි. පක්ෂ නායකයින් එන රැස්වීම්වලට 500යි. මීටරයක දුර තියාගන්න. මුඛ ආවරණයක් පළඳින්න, අත් පිරිසිදු කරගන්න. මේ ටික කියා තිබෙනවා.

පන්සිල් ආරක්ෂා කරන්නයි කිව්වට පන්සිල් ගන්න අය ආරක්ෂා කරන්නේ නැත්නම්,  නොඑසේනම් අනෙක් ආගම්වලත් කියන දේ ආරක්ෂා කරන්නේ නැත්නම්  එය ආගමේ වරදක් නොවනවා සේම කොරෝනා රෝග තත්ත්වය සම්බන්ධයෙන් ලබාදී ඇති මාර්ගෝපදේශ අනුගමනය නොකරන්නේ නම් ඊට දේශපාලනඥයින් සහ ඔවුන්ගේ ආධාරකරුවන් වගකිව යුතුයි.

මාධ්‍ය :- ලබාදී ඇති මාර්ගෝපදේශ අනුගමනය නොකරන්නේ නම් කරන්නේ කුමක්ද  ?

සභාපති මහින්ද දේශප්‍රිය මහතා :- " මීට කරන්න කිසිම දෙයක් නැහැ. පන්සලට හෝ පල්ලියට ගිහින් ආගම අදහලා කට
ගොන්නක් බීගෙන යන එක ගැන කරන්න දෙයක් නැහැනෙ."  

මාධ්‍ය  :- කොරෝනා ප්‍රශ්නය වැඩි උනොත් එය මැතිවරණයට කොයි විදියට බලපායිද ? 

සභාපති මහින්ද දේශප්‍රිය මහතා  :-  " කොයි විදියටවත් බලපාන්නේ නැහැ. ඡන්දය තියනව. කොරෝනා පාලනය කරගත යුතුයි. අපිට තිබෙන්නෙ,  ජනතාව ආරක්ෂා කරගෙන ඡන්දය තියන එක විතරයි. "

මාධ්‍ය :- මෙයින් කියන්නේ මොන තත්ත්වයක් වුණත් ඡන්දය පැවැත්වෙනවයි කියන එකද ?

මහින්ද දේශප්‍රිය මහතා  :- " මොන තත්ත්වයක් වුණත් කියන එක කියන්න බැහැනේ. ලෝකෙ කැරකෙන එක නතර වුණොත් ඡන්දය තියන්න බැහැනෙ." 



අදහස් (6)

ලෝකෙ කැරකෙන එක නතර වුණොත් ඡන්දය තියන්න බෑනේ

Dewa Sunday, 12 July 2020 09:46 AM

අපට කුමන හෙණයක් වුණාට කම් නැත. ඔබතුමා ඡන්දය පවත්වාගෙන යන්නකෝ හරිද?

:       0       0

thilak Sunday, 12 July 2020 09:53 AM

ලබාදී ඇති මාර්ගෝපදේශ අනුගමනය නොකරන්නේ නම් එය රජයේ නොව, මහජනයාගේ වරදකි.

:       0       0

සෙනෙවිරත්න Sunday, 12 July 2020 10:56 AM

පන්සලට ගිහින් බොනවට වඩා නරක නැද්ද, බොරු කියන, මිනිස්සු රවටන දේශපාලුුන්ට පිරිත්නූල් බඳින එක..?

:       0       0

raja Sunday, 12 July 2020 12:38 PM

මේ ඉහළ රජයේ නිලධාරියාගේ උත්තර දිහා බැලුවාම ඔහුගේ හා දේශපාලකයින් අතර ලොකු වෙනසක් නොපෙනේ... ප්‍රශ්නවලට පිළිතුරු දීම වෙනුවට මුඛරිකමට දෙන ප්‍රකාශ...

:       0       0

Bamunuarachchi Monday, 13 July 2020 07:09 AM

ඔක්කොම වැඩ සිද්ද වෙන්නේ ඕකෙ කැරකෙන නිසාද? හලෝ ලෝකෙ නැවතුණත් දිනේ පෙන්වන ඔරලෝසු දුවනවනේ... නේද?

:       0       0

දුටුගැමුණු Monday, 13 July 2020 10:33 PM

විකාර.. හොඳටම තදවෙලා වගේ... !

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 79 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 501 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 932 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site