ලාංකිකයින් ගෙන්වීම යළිත් තාවකාලිකව නවතන්න යයි

(තිළිණි ද සිල්වා)

ජූලි 14 වන දා සිට විදෙස්ගත ශ්‍රී ලාංකිකයින් මෙරටට ගෙන්වීම තාවකාලිකව නවතා දමන බව විදේශ සබඳතා පිළිබඳ ජනාධිපති අතිරේක ලේකම් අද්මිරාල් ජයනාත් කොළඹගේ මහතා පවසයි.

නිරෝධායන මධ්‍යස්ථානවල පවතින ඉඩකඩ සීමාසහිත වීම හේතුවෙන් මෙම පියවර ගත් බව අද්මිරාල් ජයනාත් කොළඹගේ මහතා වැඩිදුරටත් කියා සිටී.

කෙසේවෙතත් අද (12) සහ හෙට (13) යන දිනවල මාලදිවයිනේ සහ ජෝර්දානයේ සිට පැමිණීමට නියමිත ශ්‍රී ලාංකිකයින් සුපුරුදු පරිදි ගෙන්වා ගැනීම සිදුකරන බව ද ඔහු සඳහන් කළේය.

අදහස් (3)

ලාංකිකයින් ගෙන්වීම යළිත් තාවකාලිකව නවතන්න යයි

pathirana Sunday, 12 July 2020 05:51 AM

දුකට පත්වෙලා ඉන්න ශ්‍රී ලාංකිකයෝ ගෙන්වා ගැනීමක් කොහොමත් සිදුවුණේ නැහැ. දැන් ඉතින් ආණ්ඩුවට නිදහසට කියන්න කරුණු තියෙනවා.

: 0 0

karu Sunday, 12 July 2020 05:56 AM

ටීවී එක දැම්මත්, පත්තරයක් බැලුවත් නිතරම පෙනෙන්නේ ජෙනරාල්, කැප්ටන්, අද්මිරාල් මාර වැඩක්නේ... මේ රටේ පරිපාලන සේවා විභාගය සමත් උගතුන් සිටිද්දී තුට්ටු දෙකේ හමුදාකාරයින් මොන මගුලක් කරනවද? ඒ මදිවට ඇමෙරිකානු ඔත්තු සේවාවක් වන පාත්ෆයින්ඩර් කියන එන්ජිඕ එකේ ඉන්න කෙනෙක් මේ කොළඹගේ කියන්නේ...

: 0 0

ඕමාන් අපි Sunday, 12 July 2020 06:02 AM

එහෙම හරිද? එතකොට අනාථ වෙලා ඉන්න රට විරුවන් කියලා හඳුන්වන අයට මොකද වෙන්නේ? ලොකු ලොක්කන්ගේ දුවලා, පුතාලා ගෙන්වලා ඉවරද? කරුණා කරලා අසරණ මිනිස්සු ගැනත් හිතන්න. පහුගිය මාස කීපයකටම ඕමාන්වලට ආවේ එකම එක ගුවන් යානයයි. මොකද්ද මේ තේරීම?

: 0 0