(දයාරත්න ඇඹෝගම)
 
කොරෝනා වයිරසය ආසාදිතවු බවට තහවුරු කරගත් රාජාංගනය ප්‍රදේශීය ලේකම් කෝට්ඨාසයේ පුද්ගලයන් 14 දෙනෙකු  ප්‍රතිකාර සදහා කොළඹ අයිඩීඑච් රෝහල වෙත යවන ලද බව උතුරු මැද පළාත් සෞඛ්‍ය සේවා අධ්‍යක්ෂ වෛද්‍ය පාලිත බණ්ඩාර මහතා අද(13) පැවසීය.
 
රාජාංගනය ප්‍රදේශිය ලේකම් කොට්ඨාසයෙන් කොරෝනා වයිරසය ආසාදිතවු මෙම පුද්ගලයන් හමුවීමත් සමග රාජාංගනය යාය 03,04,05 සහ7 අංගමුපාර,ධීවර ගම්මානවල සංචරණ සීමා ද පනවා තිබේ.
 
මේ අතර ඊයේ(13)දින අනුරාධපුර දිස්ත්‍රික්කයේ සෞඛ්‍ය වෛද්‍ය නිලධාරි කාර්යාල 22 න් රාජාංගනය සෞඛ්‍ය වෛද්‍ය නිලධාරි කාර්යාලය හැරෙන්නට ඉතිරි කාර්යාල 21 ක නිලධාරින් තැපැල් ජන්දය භාවිතා කර තිබුණි.
 
රාජාංගනය ප්‍රදේශීය ලේකම් කොට්ඨාසයේ සෞඛ්‍ය වෛද්‍ය නිලධාරි කාර්යාල නිලධාරින් සදහා මේ මස 28 දින තැපැල් ජන්ද භාවිතා කිරීම සඳහා අවස්ථාව සලසා දෙන බවද වෛද්‍ය පාලිත බණ්ඩාර මහතා මෙහිදි සදහන් කළේය.