(නිමල කොඩිතුවක්කු)

මෝටර් රථ ප්‍රවාහන දෙපාර්තමේන්තුවේ නාරාහේන්පිට කාර්යාලය සහ වෙරහැර කාර්යාලයද නුගේගොඩ ජාතික ප්‍රවාහන වෛද්‍ය ආයතනයද හෙට(26) සිට යළි දැනුම්දෙනතුරු  මහජනතාවට විවෘත නොකරන බව මෝටර් රථ ප්‍රවාහන කොමසාරිස් ජනරාල් සුමිත් අලහකෝන් මහතා ලංකාදීපයට පැවසීය.

කිසිදු කටයුත්තක්  සඳහා එම කාර්යාල වෙත පැමිණීමෙන් වළකින ලෙසට මහජනතාවගෙන්  ඉල්ලීමක් කරන බවද අලහකෝන් මහතා සඳහන් කළේය.

කොරෝනා වසංගතයේ ව්‍යාප්තිය හේතුවෙන් රටෙහි උද්ගතව ඇති අවධානම් සහගත තත්ත්වය සැලකිල්ලට ගනිමින් මෙම පියවර ගත් බවද ඔහු සඳහන් කළේය.