( බිමල් ශ්‍යාමන් ජයසිංහ )

නව කොරෝනා ආසාදිත රෝගීන්  ඊයේ (03)  දින 120  ක් හමුවීමත්  සමඟ බණ්ඩාරගම  සෞඛ්‍ය වෛද්‍ය නිලධාරී බල ප්‍රදේශයෙන්  කොරෝනා වෛරසය  ආසාදිත රෝගීන් 2694 ක්  වාර්තා වී ඇතැයි එම කාර්යාලයේ ජ්‍යෙෂ්ඨ  ප්‍රකාශකයෙක්  පැවසීය  

අප්‍රේල් මස 19 වැනි දින සිට  මේ දක්වා සිදු කරන ලද පි සි ආර් පරීක්ෂණ 4040 කින්  එම රෝගීන් වාර්තා වී ඇතැයිද ඒ අතර ගර්භණි මාතාවන් 29 දෙනකු සිටින බව එම ප්‍රකාශිකාව කීය .

  කොරෝනා  වෛරසය  හේතුවෙන්  එම කාලය තුළදී  පුද්ගලයන්  50 කු මියගොස් ඇතැයි  එම ප්‍රකාශිකාව පැවසුවාය 

බණ්ඩාරගම,,අලුබෝමුල්ල ,මැදගම ,මහවිල ,මහබෙල්ලන ,රයිගම ,හා වෑවිට යන මහජන සෞඛ්‍ය පරීක්ෂක කොට්ඨාස වලින්   රෝගීන් හමු වීමේ ඉහළ ප්‍රවණතාවයක් දක්නට ලැබෙන අතර

අවම රෝගීන් ප්‍රමාණයක් හමුවී ඇත්තේ බණ්ඩාරගම අටුළුගම ප්‍රදේශයෙනි.  

ඒ අනුව බලන කල පසුගිය     සති දෙකට සාපේක්ෂව කොරෝනා ආසාදිත  රෝගීන් ගේ ශීඝ්‍ර  ඉහළ යාමක් දක්නට ඇතැයි එම  ප්‍රකාශිකාව වැඩිදුරටත් පැවසුවාය