(තිලකරත්න දිසානායක)

ගම්පහ මහ නගර සභාවෙහි යක්කල උප කාර්යාලයේ කාර්ය මණ්ඩලයේ අයෙකුට කොවිඩ්-19 ආසාදනය වී ඇති බවට තහවුරු වීම මත එම කාර්යාලය වසා දැමීමට පියවර ගෙන ඇතැයි නාගරික කොමසාරිස්  ගයනී  රණසිංහ මහත්මිය ප්‍රකාශ කළාය.

කාර්ය මණ්ඩලයෙහි අයෙකු ආසාදිතයෙකුවීමෙන් අනතුරුව එහි සියලුම දෙනා ක්ෂණික ප්‍රතිදේහ පරීක්ෂණය සඳහා යොමු කළ බවත් එම කිසිවෙකුටත් රෝගය ආසාදනය වී නොමැති බව තහවුරු වී ඇති බවත් රණසිංහ මහත්මිය කීවාය.

යක්කල උප කාර්යාලය වසා තිබූනද එහි පුස්තකාලය පරිහරණය කළ හැකි බව සදහන් කළ කොමසාරිස්වරිය , වරිපනම් බදු ගෙවීමේ කටයුතු ගම්පහ ප්‍රධාන කාර්යාලයේදී හෝ මාර්ගත ක්‍රමයට සිදු කළ හැකි බවද පැවසූවාය.