( තිලකරත්න දිසානායක )

කොරෝනා රෝගීන් වෙනුවෙන් ගම්පහ දිස්ත්‍රික් මහ රෝහලෙහි ස්ථාපිත කරන ලද කොරෝනා  දැඩි සත්කාර ඒකකය අද පෙරවරුවේ අමාත්‍ය ප්‍රසන්න රණතුංග මහතාගේ  ප්‍රධානත්වයෙන් සිදු කෙරිණි. 

ඇදන් හතකින් යුත් මෙම ඒකකය ගම්පහ දිස්ත්‍රික්කයෙහි රෝහල්හි දෙවන කොරෝනා  දැඩි සත්කාර ඒකකය වන අතර මෙහි කොරෝනා ආසාදිත ගැබිනියන් වෙනුවෙන් සූතිකාගාරයක් සහිත ශල්‍යාගාරයක් ද සමන්විතය. 

නව දැඩි සත්කාර ඒකකය විවෘත කිරීමේ අවස්ථාවට ගම්පහ පුරපති එරංග සේනානායක රෝහල් අධ්‍යක්ෂ වෛද්‍ය ප්‍රියන්ත ඉලේපෙරුම, නියෝජ්‍ය අධ්‍යක්ෂ ප්‍රියන්ත ශිරෝමන්,  විශේෂඥ වෛද්‍යවරුන්වන එන්.ශ්‍රීධරන් සහ දීපානී නන්දසේන යන මහත්ම මහත්මීන් ඇතුළු පිරිසක් එක්ව සිටියහ.