(සුදත් එච්.එම්. හේවා)

කොටගල ප්‍රාදේශීය සභා බල ප්‍රදේශය තුළ කොවිඩ්-19 රෝගින් දෙදෙනකු වාර්ථා වීමත් සමග කොටගල ප්‍රාදේශිය සභාව මගින් කොටගල නගරයේ වෙළෙඳ සැල් අද (26) සිට තාවකාලිකව වසා දැමිමට පියවර ගෙන ඇත.

මේ පිලිබදව කරන ලද විමසීමකදී අදහස් දැක්වු කොටගල ප්‍රාදේශීය සභාවේ නිලධාරියකු පවසන ලද්දේ මෙම බල ප්‍රදේශයෙන් කොවිඩ්-19 රෝගින් දෙදෙනකු හමුවීමත් සමග කොටගල වෙළෙඳ සංගමය සමග සකච්චා කර වෙළෙඳ සැල් වසා දැමිමට පියවර ගත් බවය.

පැලියගොඩ මාළු වෙළෙඳ සැලේ සිට පැමිණි කොටගල රෝසිටා හා ග්‍රේටන් වතුවල පදිංචි ‍දෙදෙනකු පි.සි.ආර්. පරික්ෂාවෙන් පසු කොවිඩ් අසාදිතයන් බව හදුනා ගැනීමෙන් අනතුරුව ප්‍රදේශයේ ජනතාවගේ සෞඛ්‍ය ආරක්ෂාව වෙනුවෙන් මෙම පියවර ගත් බවත් එම නිලධාරියා වැඩි දුරටත් පැවසීය.