එසැණ පුවත්

කුරුණෑගල බාලිකා විදුහලක් වසාදමයි

කුරුණෑගල බාලිකා විදුහලක සිසුවියකගේ මුළු පවුලම කොරෝනා ආසාදිතයන් බවට වාර්තා වීම සැලකිල්ලට ගෙන අනෙක් සිසුවියන්ගේ සහ ආචාර්ය මණ්ඩලයේ ආරක්ෂාව වෙනුවෙන් එම පාසල හෙට (11) සිට ලබන අඟහරුවාදා (15) දින තෙක් වසා දැමීමට වයඹ පළාත් ආණ්ඩුකාර රාජා කොල්ලුරේ මහතා පියවර ගෙන ඇත.

10 December 2020

වැඩි ඡන්ද 97 කින් අයවැය සම්මතයි

2021 වසර සඳහා වන අයවැය තෙවැනි වර කියවීම වැඩි ඡන්ද 97කින් අද(10) පාර්ලිමේන්තුවේ දී සම්මත විය.

10 December 2020

ලෝරි එවන්ස් කොළඹ පිලට ජය ගෙනෙයි

එංගලන්ත ජාතික ලෝරි එවන්ස්ගේ අගනා ශතකය හේතුවෙන් යාපනය ස්ටැලියන්ස් කණ්ඩායමට එරෙහිව ඊයේ (10 වැනිදා) පැවැති ලංකන් ප්‍රිමියර් ලීග් තරගාවලියේ 18 වැනි තරගයෙන් ලකුණු 6 ක තියුණු ජයක් වාර්තා කිරීමට කොළඹ කිංග්ස් කණ්ඩායම සමත් විය. මේ දක්වා තරග 7 කට සහභාගි වී ඇති කොළඹ කණ්ඩායම එහිදී ලැබූ 5 වැනි ජයග්‍රහණය මෙය විය.

10 December 2020

ධම්මික පැණිය පාර්ලිමේන්තුවටත්

කොවිඩ් 19 වැළ‍දීමෙන් වළකින ඖෂධය සොයාගත් බව කියන කෑගල්ලේ ධම්මික බණ්ඩාර මහතා අද(10 ) පාර්ලිමේන්තුවට කැඳවාගෙන එනු ලැබිණි. ඒ ආණ්ඩු පක්ෂයේ සිසිර ජයකොඩි මන්ත්‍රීවරයා විසිනි.

10 December 2020

බන්ධනාගාර ගැටලු විසඳන්න ජනපති කාර්ය සාධක බළකායක්

බන්ධනාගාර ආශ‍්‍රිතව ඇතිවී ඇති ගැටලු විසදීම සදහා ජනාධිපති කාර්ය සාධක බළකායක් ස්ථාපිත කිරීමට පියවර ගත යුතු යැයි ජනාධිපති ගෝඨාභය රාජපක්ෂ මහතා පෙන්වා දී තිබේ.

10 December 2020

461ක් සුවය ලබා පිටව යති

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි පුද්ගලයන් 461දෙනෙකු සුවය ලබා අද(10) පිටව ගිය බව වසංගත රෝග විද්‍යා අංශය කියයි.

10 December 2020

වික්ටෝරියා ජලාශය ආශ්‍රිත හුණුගල් කැඩීම නවත්වන්න

වික්ටෝරියා ජලාශයට මැදිව ඇති අර්ධ දූපත්වල මහා පරිමාණයෙන් සිදුකෙරෙන හුණුගල් කැඩීමේ ව්‍යාපෘති තාවකාලිකව හෝ වහා නැවැත්විය යුතු යැයි පේරාදෙණිය විශ්ව විද්‍යාලයේ භූ ගර්භ විද්‍යා මහචාර්ය අතුල සේනාරත්න මහතා පවසයි.

10 December 2020

වැලිගම පාසල් තුනක් වසා දමයි

වැලිගම සෞඛ්‍ය වෛද්‍ය නිලධාරිකාර්යල බල ප්‍රදේශයෙන් කොවිඩ් ආසාදිතයින් විශාල පිරිසක් වාර්තා විමත් සමග වැලිගම නගරයේ පාසල් තුනක් දින නියමයක් නොමැතිව වාසා දැමීමට අධ්‍යාපන බලධාරින් තීරණය කර ඇත.

10 December 2020

බලපත් නොමැතිව මාදුරුඹය වනෝද්‍යානයට ගිය 10 දෙනකුට දඩ

මාදුරුඔය ජාතික වනෝද්‍යානයට බලපත්‍රයක් නොමැතිව නීති විරෝධී ලෙස ඇතුලුවී එහි රැඳී සිටි පුද්ගලයන් 10 දෙනෙකුට අදාල චෝදනාවලට වරද පිලිගනු ලැබීමෙන් පසුව එක් අයෙකුට රුපියල් 15,000 බැගින් විත්තිකරුවන් 10 දෙනාට රුපියල් 1,50000ක මුදලක් දඩ වශයෙන් ගෙවන ලෙසට දෙහිඅත්තකණ්ඩිය මහේස්ත්‍රාත් ඩබ්ලිව්.එම්. එම් වයි වාසල මහත්මිය අද(10) නියෝග කළාය.

10 December 2020

විනිසුරු අර්ජුන ඔබේසේකර හිස්බුල්ලාගේ පෙත්සම සලකා බැලීමෙන් ඉවත්වෙයි

පාස්කු ඉරුදින එල්ල කෙරුණු ත්‍රස්ත ප්‍රහාර සිද්ධිය සම්බන්ධයෙන් අත්අඩංගුවට ගෙන රඳවාගෙන සිටින නීතිඥ හිජාස් හිස්බුල්ලා මහතා හමුවී උපදෙස් ලබා ගැනීම සඳහා ඔහුගේ නීතිඥවරුන්ට ප්‍රවේශය ලබා දෙන ලෙස අපරාධ පරීක්ෂණ දෙපාර්තමේන්තුවේ අධ්‍යක්ෂවරයා වෙත නියෝගයක් නිකුත් කරන්නැයි ඉල්ලා ගොනු කළ පෙත්සම සලකා බැලීමේ කටයුතුවලින් ඉවත් වන බව අභියාචනාධිකරණයේ සභාපති විනිසුරු අර්ජුන ඔබේසේකර මහතා අද (10) විවෘත අධිකරණයට දැනුම් දුන්නේය.

10 December 2020

බත්තරමුල්ල විදේශ සේවා නියුක්ති කාර්යංශය වහයි

ශ්‍රී ලංකා විදේශ සේවා නියුක්ති කාර්යංශයේ රියැදුරෙකුට කොවිඞ් 19 රෝගය වැළඳීම හේතුවෙන් බත්තරමුල්ල ඩෙන්සිල් කොබ්බෑකඩුව මාවතේ පිහිටි එහි ප්‍රධාන කාර්යාලය නැවත දැනුම් දෙන තුරු වසා දමා ඇත.

10 December 2020

ලක්ෂ 10 ක කේරළ ගංජා සමඟ තිදෙනකු අත්අඩංගුවට

කේරළ ගංජා ඇසුරුම් තුනක් මෝට රියකින් ප්‍රවාහනය කරමින් සිටි පුද්ගලයින් තිදෙනෙකු,කල්පිටිය පාලවිය ප්‍රධාන මාර්ගයේ දලුව ප්‍රදේශයේ, තම්බපණ්ණී නාවුක හමුදාව මගින් පවත්වාගෙන යන මර්ග බාධකයේ දී අද(10) පෙරවරුවේ දී නාවුක හමුදාව මගින් අත් අඩංගුවට ගෙන ඇත.

10 December 2020

නිකවැරටිය තුඹුල්ල මහා විද්‍යාලය තාවකාලිකව වහයි

කොරෝනා වෛරසය ආසාධිත පොලිස් නිලධාරියෙකුගේ සහෝදර ආශ්‍රිතයෙකු වූ පාසල් ආරක්ෂක නිලධාරීයා පාසලේ රාජකාරි කටයුතු කිරීම හේතුවෙන් නිකවැරටිය තුඹුල්ල මහා විද්‍යාලය තාවකාලිකව අද (10 ) වසා දැමීමට පියවර ගත් බව සෞඛ්‍ය අංශ සහ පාසල් පාලන අධිකාරිය පැවසීය .

10 December 2020

හරීන් ප්‍රනාන්දුගෙන් වරප්‍රසාද ප්‍රශ්නයක්

තමාට අපහාස වන අයුරින් වැරදි සංඛ්‍යාලේඛන දක්වමින් පාර්ලිමේන්තුවේ නිල ට්විටර් ගිණුමේ ගූගල් බැලුන් ව්‍යාපෘතිය පිළිබඳ අසත්‍ය තොරතුරු පළ කිරීමට විරෝධය පළ කරමින් සමගි ජනබලවේගයේ හරීන් ප්‍රනාන්දු මන්ත්‍රීවරයා අද(10) පාර්ලිමේන්තුවේදී වරප්‍රසාද ප්‍රශ්නයක් මතු කළේය.

10 December 2020

’බජට් පාටිය තියන්න එපා’

අයවැය විවාදය මාසයකට ආසන්න කාලයක් පැවැත්වීමෙන් පසු සාම්ප්‍රදායිකව සෑම වසරකදීම කථානායක නිල නිවසේදී සියලු මන්ත්‍රීවරුන් හා හිතවතුන් වෙනුවෙන් පැවැත්වූ භෝජන සංග්‍රහය කොවිඩ් 19 වසංගත තත්ත්වයක් පවතින මෙවැනි වකවානුවක නොපවත්වන්නේ නම් සුදුසු යැයි සමගි ජනබලවේගයේ මන්ත්‍රී චමින්ද විජේසිරි මහතා අද(10) පාර්ලිමේන්තුවේදී යෝජනා කළේය.

10 December 2020

කොරෝනා අසාදිතයින් නිසා අලුත්ගම-බේරුවල ව්‍යාපාරික ස්ථාන 7 ක් වහයි

අලුත්ගම හා බේරුවල ව්‍යාපාරික ස්ථාන හතකින් කොවිඩ් 19 ආසාදිතයින් 10 දෙනෙකු හමුවීම හේතුවෙන් එම ව්‍යාපාරික ස්ථාන වසා දැමීමට කටයුතු කළ බව බේරුවල මහජන සෞඛ්‍යය පරීක්ෂක මුදිත අමරසිංහ මහතා අද (10)පෙරවරුවේ පැවසීය.

10 December 2020

අයවැය 3වැනි වර කියවීමේ ඡන්ද විමසුම අද

දින 21ක් පුරා පැවැති 2021 වසර සඳහා වන අයවැය විවාදය අද(10) පස්වරු 5ට අවසන් වීමට නියමිත අතර අයවැය තුන්වැනිවර කියවීමේ කාරක සභා අවස්ථාවේ ඡන්ද විමසීම අද පස්වරු 5ට පැවැත්වීමට නියමිතය.

10 December 2020

වතුපිටිවල ආයෝජන කලාපයේ නවාතැන්පලවලට අවසරගැනීම අනිවාර්යයි

වතුපිටිවල ආයෝජන කලාපය ආසන්නයේ අලුතෙන් තාවකාලික නවාතැන්පලවල් ආරම්භ කරන්නේ නම් නිසි අවසරයක් ලබා ගන්නා ලෙස ලෙසට අත්තනගල්ල සෞඛ්‍ය වෛද්‍ය නිලධාරි කාර්යාලය ප්‍රදේශයේ ජනතාවට උපදෙස් දෙයි.

10 December 2020

කෝටියක හෙරොයින් පාර්සල් කරමින් සිටියදී අල්ලයි

මහබාගේ වැලිසර ප්‍රදේශයේදී කාන්තාවක් ඇතුළු දෙදෙනෙකු රුපියල් කෝටියකට ආසන්න මත්කුඩු තොගයක් සමග මහබාගේ පොලීසිය මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසීය.

10 December 2020

ලක්ෂ 70 ක කහ තොගයක් මාරවිලින් අල්ලයි

මාරවිල මුහුදුකටුව වෙරළ තීරයෙදී ලක්ෂ 70 කට ආසන්න වටිනාකමකින් යුත් කහ තොගයක් සමග සැකකරුවන් තිදෙනෙකු මාරවිල පොලිසිය අද(10) අලුයම අත් අඩංගුවට ගෙන ඇත.

10 December 2020

වැලිගම ග්‍රාම නිලධාරී වසම් 6කට සංචරණ සීමා

වැලිගම සෞඛ්‍ය වෛද්‍ය නිලධාරි කොට්ඨාශයේ ගම්මාන 06ක් දැඩි සංචරණ සීමා පැනවීමට කටයුතු කරඇති බැව් දකුණු පළාත් සෞඛ්‍ය සේවා අධ්‍යක්ෂක විශේෂඥ වෛද්‍ය චන්දිම සිරිතුංග මහතා පැවසීය.

10 December 2020

ආසාත්මිකතා ඇති අයට කොරෝනා එන්නත ලබා නොගන්නැයි බ්‍රිතාන්‍ය කියයි

ඖෂධ, ආහාර හෝ එන්නත් වලට ආසාත්මිකතා දක්වන පුද්ගලයින් ෆයිසර්/බයෝන්ටෙක් එන්නත ලබා නොගත යුතු බව එහි නිශ්පාදකයෝ පවසති.

10 December 2020

වයිකිංග් පිලට කඩුලු 4 ක ජයක්

දුර්වල පන්දු රැකීම හේතුවෙන් හම්බන්තොට මහින්ද රාජපක්‍ෂ ක්‍රීඩාංගණයේදී අද (9 වැනිදා) පැවැති ලංකා ප්‍රිමියර් ලීග් තරගාවලියේ 17 වැනි තරගයේදී ගාල්ල ග්ලැඩියේටර්ස් පිලට එරෙහිව කඩුලු 4 ක ජයක් හිමිකර ගැනීමට දඹුල්ල වයිකිංග් පිල සමත්විය.

09 December 2020

වැලිගම ප්‍රදේශ 2 ක් හුදෙකලා කරයි

වැලිගම ගල්බොක්ක සහ අලුත් වීදිය අද (09) දින සිට හුදකලා ප්‍රදේශ බවට පත් කළේ යැයි දකුණු පළාත් ආණ්ඩුකාර අචාර්ය විලී ගමගේ මහතා පැවසීය.

09 December 2020

තවත් කොරෝනා මරණ 2 ක්

කොරෝනා ආසාදිත තවත් මරණ දෙකක් ඊයේ (8) සහ අද (9) දෙදින තුළදී සිදුවී ඇතැයි සෞඛ්‍ය සේවා අධ්‍යක්ෂ ජනරාල්වරයා තහවුරු කරයි.

09 December 2020

ලෝකයේ බලවත්ම කාන්තාවන් 100 දෙනා අතරට ශෙමාරාත් එක්වෙයි

ලෝ ප්‍රකට ‘ෆෝබ්ස්’ සඟරාව වාර්ෂිකව ප්‍රකාශයට පත් කරන ලොව බලවත්ම කාන්තාවන් 100 දෙනා අතරට ශ්‍රී ලාංකික සම්භවයක් ඇති කාන්තවක ද ඇතුළත් ව ඇත.

09 December 2020

අද දිනයේදී ‍කොරෝනා ආසාදිතයන් 694 ක්

මිනුවන්ගොඩ, පෑලියගොඩ සහ බන්ධනාගාර කොරෝනා පොකුරුවලට අද (09) පස්වරු 9.00 වනවිට එක්වූ ආසාදිතයන් 335 දෙනාත් සමග දිනයේ සමස්ත ආසාදිතයන් සංඛ්‍යාව 694 ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

09 December 2020

කරාපිටිය ශික්ෂණ රෝහලේ 24 වාට්ටුව වසා දමයි

කරාපිටිය ශික්ෂණ රෝහලේ ස්නායු රෝග පිළිබඳ 24 වාට්ටුවේ සතියක් පුරා ප්‍රතිකාර ලබාගත් කාන්තාවක් කෝවිඩ්-19 ආසාදිත බව අද (09) තහවුරු වීමෙන් පසු එම වාට්ටුවට රෝගීන් භාරගැනීම නවතා දැමූ බවත්, එහි සේවය කරන ලද වෛද්‍යවරුන් කිහිප දෙනෙක් සහ හෙදියන් පිරිසක් ස්වයං නිරෝධායන ලක් කිරීමට කටයුතු කළ බවත් රෝහල් අධ්‍යක්ෂ වෛද්‍ය සම්පත් රණවිර මහතා පැවසීය.

09 December 2020