IMG-LOGO

‘අමරපුර විහාරස්ථාන නාමාවලිය’එළිදැක්වීමට ඩයලොග් ආසිආටා බැති සිතින් දායක වේ

ඩයලොග් ආසිආටා පීඑල්සී හි සමූහ ප්‍රධාන විධායක සුපුන් වීරසිංග මහතා විසින් ජනාධිපති අතිගරු ගෝඨාභය රාජපක්ෂ මැතිතුමන්ට ශ්‍රී ලංකා අමරපුර මහා නිකාය විහාරස්ථාන නාමාවලිය පිළිගැන්වූ අවස්ථාව. අමරපුර නිකායවෘද්ධික කමිටුවේ උප සභාපති අජිත් ද සොයිසා මහතා සහ උරුමයක උල්පත පදනමේ ලේකම් ආර්.ඒ.ඩී සිරිසේන මහතාද එම අවස්ථාවට එක්ව සිටියහ.

 

ඩයලොග් ආසිආටා පීඑල්සී හි සමූහ ප්‍රධාන අලෙවි නිලධාරිනී අමලි නානායක්කාර මහත්මිය විසින් ශ්‍රී ලංකා අමරපුර මහා නිකාය විහාරස්ථාන නාමාවලිය මහා නායක හිමිවරුන් සහ අනු නායක හිමිවරුන් වෙත පිළිගැන්වූ අවස්ථාව

 

උතුම්  ශ්‍රී සද්ධර්මය   ශ්‍රී ලංකාද්වීපයේ නොනැසී පවත්වාගැනීම උදෙසා අනුපමේය කාර්යභාරයක් කළ, ශ‍්‍රී ලංකා අමරපුර මහා නිකායේ ආදි කර්තෘන්වහන්සේලා සැමරීමේ මහෝත්සවය, ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති, අතිගරු ගෝඨාභය රාජපක්ෂ මැතිතුමන්ගේ ප‍්‍රධානත්වයෙන් ජුලි 08 වෙනිදා කොළඹ බණ්ඩාරනායක ජාත්‍යන්තර අනුස්මරණ සම්මන්ත‍්‍රණ ශාලාවේදී පැවැත්විණි. අමරපුර මහා නිකායට අයත් පාර්ශවයන්හි මහ නායක, අනුනානයක ස්වාමීන්වහන්සේලා, ලේඛකාධිකාරී සහ නියෝජ්‍ය ලේඛකාධිකාරී ස්වාමීන්වහන්සේලා, ශ‍්‍රී ලංකා අමරපුර මහා නිකායේ දායක සභාවේ පින්වතුන්, ශ‍්‍රී ලංකාවේ බුරුම සහ තායිලන්ත තානාපතිවරුන් ඇතුළු ගිහි පැවිදි  සම්භාවනීය පිරිසක් ඊට සහභාගී වූහ.
 
අතිපූජ්‍ය  කොටුගොඩ ධම්මාවාස මහා නායක ස්වාමීන්ද්‍රයන් වහන්සේ අමරපුර මහා නිකායේ උත්තරීතර මහා නායක පදවිය වර්තමානයේ හොබවති.   අමරපුර මහා නිකාය උප පාර්ශ්වයන් 22කින් සහ විහාරස්ථාන 3351කින් යුක්තය.  විදේශයන්හි විහරස්ථාන 48ක්ද අමරපුර මහා නිකාය යටතේ පාලනය වෙයි. අමරපුර නිකායට අයත් එම සියලු විහාරස්ථානවල තොරතුරු ඒකරාශි කර ශ්‍රී ලංකා අමරපුර නිකායේ විහාරස්ථාන නාමවලිය ග්‍රන්ථයක් ලෙසින් උරුමයක උල්පත පදනම මෙම සැමරුම් උළෙලේදී එළිදැක්විය. ශ්‍රී ලංකා අමරපුර මහා නිකායේ උත්තරීතර මහානායක අතිපූජ්‍ය කොටුගොඩ ධම්මාවාස ස්වාමීන්වහන්සේගේ චරිතාපදානය ඇතුළත් කෘතියක් ද මීට සමගාමීව එළිදැක්විණි. මෙම ග්‍රන්ථ එළිදැක්වීමට සහ පුණ්‍ය මහෝත්සවය සංවිධානය කිරීමට ඩයලොග් ආසිආටා සමාගමේ පූර්ණ දායකත්වය ලබාදෙන ලදී. 


සැරියුත්, මුගලන්, මහා කාශ්‍යප මහ රහතන්වහන්සේලාගෙන් පැවත ආ සංඝ පරම්පරාවේ සහ මිහිඳු මහ රහතන් වහන්සේගේ වැඩමවීමෙන් මෙරටට සම්බුදු සසුන දායාද විය. විවිධ යුගයන්හි පැමිණි, අභියෝග හමුවේ වූ බාධක වලට මුහුණ දෙමින් මහ සංඝරත්නය නිර්මල බුදු දහමත් සඟ සසුනත් සුරැකූහ. වර්ෂ 1753 දී සියමෙන් මෙරටට රැගෙන ආ උපසම්පදාව සීමාවන් පනවමින් සමස්ත ශාසනයට නොලැබීම හේතුවෙන් වර්ෂ 1978 දී වැලිතර මහාකරාවේ ඥාණවිමලතිස්ස හිමියෝ දැඩි පරිශ්‍රමයක් දරමින් බුරුම දේශයට වැඩම කොට අමරපුරයේදී උපසම්පදාවට පත්ව එම උපසම්පදාව රැගෙන ආ සේක. එසේ පැමිණ වර්ෂ 1803 දී බලපිටි මෝදර මාඳු ගඟේ උදකුක්ඛේප සීමා මාලකයේදී භික්ෂු සංඝයාට පැවිදි උපසම්පදාව ලබාදීමට කටයුතු කළහ. මෙරට සඟ සසුනටත් සම්බුද්ධ දේශනාවටත් අපරමිත මෙහෙරක් සිදුකරන අමරපුර මහා නිකාය එසේ ස්ථාපිත කෙරිණි. 


බුරුම දේශයට වැඩම කොට උපසම්පදාව යළි මෙරටට වැඩම වීමේ පුරෝගාමී මෙහෙවරට බෝධිසත්ව ගුණෝපේත වැලිතර මහාකරාවේ ඥාණවිමලතිස්ස මහා ස්වාමීන්ද්‍රයන් වහන්සේ සමඟ බෝධිසත්ව ගුණෝපේත බෝගපිටියේ ධම්මජෝති, බෝධිසත්ව ගුණෝපේත අත්තුඩාවේ ධම්මරක්ඛිත, බෝධිසත්ව ගුණෝපේත බෝගහපිටියේ කතලුවේ ගුණරතන, බෝධිසත්ව ගුණෝපේත කපුගම ධම්මක්නද මහා ස්වාමීන්ද්‍රයන් වහන්සේලා කයටුතු කළහ. 


වර්ෂ 1956 දී අමරපුර මහා සංඝ සභාව ආරම්භ වෙයි. ඒ සඳහා අතිපූජ්‍ය මඩිහේ පඤ්ඤාසීහ, අග්ගමහා පණ්ඩිත බලංගොඩ ආනන්ද මෛත්‍රී, අතිපූජ්‍ය වලගෙදර සෝමලෝක තිස්ස. අතිපූජ්‍ය කොටුගොඩ ධම්මවංශ, අතිපූජ්‍ය පින්වත්තේ දේවානන්ද, අතිපූජ්‍ය බේරුවල සිරිනිවාස, අග්ගමහා පණ්ඩිත දවුල්ධෙන ඥාණෙස්වර, අතිපූජ්‍ය වැලිගම ඥාණරතන යන මහා ස්වාමීන්ද්‍රයන් වහන්සේලා කටයුතු කළහ.  

අමරපුර නිකාය නියෝජනය කරමින් දීර්ඝ කාලයක් සසුන් කෙත බැබැලවීමට අතිපූජ්‍ය පොල්වත්තේ බුද්ධදත්ත වාදීහ සිංහ මිගෙට්ටුවත්තේ ගුණානන්ද රාජගුරු ශ්‍රී සුභූති විදුරුපොළ පියතිස්ස වැනි මහා යථිවරායණන් වහන්සේලා කටයුතු කළ බව ගෞරව පූර්වකව සිහිපත් කළ යුතුය.  

ශ්‍රී ලාංකේය උරුමය සහ සංස්කෘතිය රැකීමට උරදෙන ඩයලොග් ආසිආටා සමාගම දීර්ඝ කාලයක් තිස්සේ රටේ ප්‍රධාන සංස්කෘතික ආගමික උත්සව සඳහා සිය දායකත්වය සපයයි. ඒ අතර මහනුවර ශ්‍රී දළදා මහා පෙරහර මංගල්‍යය, කැළණිය දුරුතු මහා පෙරහර, ගංගාරාමා නවම් මහා පෙරහර, කතරගම ඇසළ මහා පෙරහර, ගැටබරු ඇසළ මහා පෙරහර සහ කෝට්ටේ රජමහා විහාරස්ථ පෙරහර මංගල්‍යයන් ද වේ. එසේම බෞද්ධාලෝක වෙසක් කලාපය සහ ගංගාරාම විහාරස්ථ ශ්‍රී බුද්ධ රශ්මි වෙසක් කලාපය සඳහා ද ඩයලොග් සමාගම දායකත්වය සපයයි. දිඹුලාගල ආරණ්‍ය සේනාසනයේ වාහල්කඩ ඉදිකිරීමට ද ඩයලොග් සමාගම දායකත්වය ලබාදී තිබේ. ශ්‍රී ලාංකේය උරුමය රැකදීමට කටයුතු කරයි. 



අදහස් (0)

‘අමරපුර විහාරස්ථාන නාමාවලිය’එළිදැක්වීමට ඩයලොග් ආසිආටා බැති සිතින් දායක වේ

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 441 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 879 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site