සිම්බාබ්වේ අගනුවර වන හරාරේ නගරයට උතුරින් පිහිටි රත්‍රන් පතලක සිදුවූ අනතුරකින් පතල් කම්කරුවන් නවදෙනකු මියගොස් ඇතැයි වාර්තා වේ.
 
තවත් තිදෙනෙකු පතලේ සිරවී සිටින බවද පැවසේ.
 
පතලේ සිදුකළ පිපිරුමක දී බිත්ති කඩා වැටීම හේතුවෙන් මොවුන් අනතුරට ලක්වී ඇත. 
 
බලධාරීන් සඳහන් කර ඇත්තේ මෙය නීතිවිරෝධීව පවත්වාගෙන ගිය පතලක් බවයි. 
 
පෙබරවාරි මාසයේදී හරාරේ නගරයට බටහිරින් පතලක සිදුවූ මෙවැනිම අනතුරකින් 24 දෙනෙකු මිය ගොස් තිබේ.
 
සිම්බාබ්වේ හි පවතින අධික රැකියා හිඟය හේතුවෙන් බොහෝ තරුණයන් මෙවැනි අනතුරුදායක රැකියාවල නිරත වන බව මාධ්‍ය සඳහන් කරයි.
 
(රොයිටර් පුවත් ඇසුරිණි - 085)