ජයරත්න වික්රමාරච්චි
වසර දෙකක පමණ කාලයක් පැවති නියඟය හමාර කරමින් ඉකුත් මැයි මාසයේ දී ඇද හැළුණු ධාරානිපාත වැසි වලින් පිරුණු කරුවලගස්වැව ජයන්ති වැව ජලාශය යටතේ මෙවර යල කන්නයේ වී වගාව මේ වනවිට නියඟයට ගොදුරු වී ඇතැයි ගොවීහු පවසති.
ජයන්තිවැව ජලාශය යටතේ මෙවර තමන් වගාකර ඇත්තේ ‘‘රත්තැල්‘‘නමැති දේශීය වී ප්රභේදයක් බව ද ගොවීහු කියති. අක්කර 40ක පමණ වපසරියක සිදු කළ වී වගාව පිදෙන අවස්ථාවේ ජලාශයේ ජලය අවසන්වීම නිසා මෙසේ විනාශ වෙමින් පවතින බවද ඔවුහු පවසති.
එම ගොවීන් පෙන්වා දෙන අන්දමට වර්ෂාව හැරුණු විට ජයන්තිවැව ජලාශයට ස්ථීර වාරි ජල සම්පාදන ක්රමයක් නොමැත. නමුත් ඉකුත් මැයි මාසයෙන් පසුව ප්රදේශයේ පවතින්නේ දැඩි නියං තත්වයකි.
මේ හේතුව නිසා ඊට බොහෝ දුරකින් පිහිටි ඉගිනිමිටිය ජලාශයෙන් හෝ ජල මුරයක් ලබාදීමට වගකිව යුත්තන් පියවර ගනු ඇතැයි ගොවීහු බලාපොරොත්තුවෙන් සිටියද පලක් නොවූ බැවින් ඇතැම් ගොවීහු ජයන්තිවැව ජලාශයේ හා එම කෙත් යාය ආසන්නයේ තම පෞද්ගලික වියදමින් විශාල වළවල් කපා එමගින් වගාවට ජලය පොම්ප කිරීමට ද පියවර ගෙන තිබෙන අයුරු එහි ගිය අපට දැකගත හැකි විය.
මෙම ගැටලුව පිළිබදව ජයන්තිවැව ගොවි සංවිධානයේ සභාපති ඉන්දික සෙනරත් මහතා මෙසේ පැවසීය.
‘‘ පීදෙන ගොයම් මැරෙනව බලාගෙන ඉන්න බැරි කමට සමහරු තමන්ගේ වියදමින් ළිං කපල කුඹුරුවලට වතුර ගහන්න පටන් ගත්තත් අවශ්ය තරමට ඒ ළිංවල වතුර උනන්නේ නෑ.ඒ නිසා ඒ වැඩෙත් සාර්ථක නෑ.අපි ඉගිණිමියෙන් වතුර බලාපොරොත්තු වුණත් ඒ ජනතාවටත් ප්රශ්න ඇතිනේ. ඒ නිසා දැන් ඉතිං හුග දෙනෙක් දැන් වගාව අත් හැරලයි තියෙන්නේ. දැන් වෙල්යායට අලිත් එනවා.අපි වගා හානි තොරතුරු ලබාගෙන තියෙන්නෙ. එහෙමවත් සහනයක් ලැබුණොත් ලොකු දෙයක්.
කරුවලගස්වැව පෙදෙසේ නියගයට ගොදුරු වී ඇති කුඹුරුවලට ඉගිනිමිටිය ජලාශයෙන් ජලය ලබාදීමට ඇති හැකියාව සම්බන්ධයෙන් ඉගිණිමිටිය වාරිමාර්ග ඉංජිනේරු චමින්ද කුමාර මහතාගේ අපි විමසීමක් කළෙමු.
ඒ මහතා කියා සිටියේ ඉකුත් මැයි මාසයේදී ඇති වූ වර්ෂාවට ප්රදේශයේ ජලාශ රැසක් පිරී ඉතිරී ගියද මී ඔයේ ඉහළ ජල පෝෂක ප්රදේශයට ප්රමාණවත් තරමට වර්ෂාව නොළැබීම හේතුවෙන් ඉගිණිමිටිය ජලාශයට ද ප්රමාණවත් තරමට ජලය එක්රැස් වී නැති බවයි. එම නිසා මෙම යල කන්නයේදි ඉගිණිමිටිය ව්යාපාරයේ වගා කටයුතු සිදු කෙරුණේ ද සීමිත ඉඩම් ප්රමාණයක බව ඒ මහතා කීය.
මේ හේතුව නිසා ඉගිණිමිටිය ව්යපාරයේ වෙල් ජලය ද කරුවලගස්වැව පෙදෙසට ගලායාමට තරම් ප්රමාණවත් නොවූ බවත් කෙසේ වෙතත් ඉගිනිමිටිය ජලාශයෙන් ජලය නිකුත් කිරීම සිදුවන්නේ ඊට අදාළ ව්යාපාර කමිටුවේ දී ගන්නා තීන්දු තීරණ මත බවත් පැවසීය.
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇඟිලි ගැනලා වපුරපු ගොයමත් විනාශයි