
ඇමරිකාවේ මැසචුසෙට්ස් ප්රාන්තයේ හින්ග්හැම් හි ජීවත්වෙන අවුරුදු හයක පුංචි පුතෙක් ඕස්ට්රේලියාවේ ළැව් ගින්නෙන් අසරණ වුණු කෝලා වලසුන් බේරා ගැනීමට පුංචි පහේ මෙහෙයුමක් දියත් කර තිබේ.
ඕවන් කොලී නමැති මෙම පුංචි දරුවා ළැව්ගිනි හේතුවෙන් සතුන්ට හානි සිදුවී ඇත්දැයි මවගෙන් අසා ඇති අතර, සතුනට හානි සිදුවී තිබෙන බව මව කියා සිටීමෙන් පසු ඔහු නිහඬව චිත්රයක් ඇඳ ඇත. එහි දැක්වෙන්නේ කෝලා වලසෙකු කැන්ගරුවෙක් සහ ඩිංගෝ නමැති සුනඛයෙක් වැනි පෙනුමක් ඇති ක්ෂීරපායී සතෙක් වැස්සේ හිටගෙන ඉන්නා ආකාරයයි. ඔහුගේ පැතුම වූයේ ඕස්ට්රේලියාවට වැසි වැටීමයි.
ඒ අසරණ වූ සතුන්ට උදවු කිරීමට තමාට අවශ්ය බව ඔහු පැවසූ අවස්ථාවේ ඔහුගේ මව ඉදිරිපත් වී කෝලා වලසුන් මැටියෙන් හදමු යැයි දරුවාට යෝජනා කර ඇත. ඒ අනුව ඕවන්ගේ මාපියෝ එකතු වී, ඕස්ට්රේලියාවේ සවුත් වේල්ස්හි වන සතුන් බේරාගන්නා වැඩසටහනකට මුදල් බැර කිරීමට වැඩපිළිවෙළක් සැකසූහ. ඒ ආයතනයට ඇමරිකානු ඩොලර් 50ක් හෝ ඊට වැඩි මුදලක් බැර කරන අයට ඔවුන් විසින් නිර්මාණය කළ අළු පැහැ කුඩා කෝලා වලසෙකු යවනු ලැබේ. පුංචි ඕවන් දැනට කෝලා වලසුන් 55ක් පමණ නිර්මාණය කර ඇත.
සතියක් ඇතුළත ඇමරිකානු ඩොලර් 20000කට වැඩි මුදලක් සොයා ගැනීමට ඔවුනට හැකිවී තිබේ. ඔවුනට කොතරම් මුදල් ආධාර ගලා එන්නට වූයේද කිවහොත් මුදල් කළමනාකරණය සඳහා වෙනම වෙබ් අඩවියක් පවා නිර්මාණය කර තිබේ.

නිව්සවුත් වේල්ස් ප්රාන්තයේ පමණක් සතුන් බිලියන භාගයක් පමණ ගින්නට ගොදුරු වී ඇතැයි කියැවේ. අනෙකුත් ප්රාන්තවල සතුන් මිලියන ගණනක් මිය ගොස් ඇතැයි වාර්තා වේ. ගින්නෙන් යන එන මං අහිමි වී සිටින සතුන්ට වාසස්ථාන සැකසීම, ඔවුනට ආහාර සැපයීම ආදී කටයුතු සඳහා මෙම අරමුදල් යොදාගැනීමට අපේක්ෂිතයි.
පුංචි ඕවන්ගේ පියා හැදී වැඩී තිබෙන්නේ සිඩ්නි නගරයේදී වීමත්, ඕවන්ගේ කුඩා වියේදී ඔහුද මාස කිහිපයක් එහි ගත කිරීමත් හේතුවෙන් ඔහුට ඕස්ට්රේලියාව සමඟ බැඳියාවක් ඇතැයි ඔහුගේ මව කියා සිටින්නීය. ඔහුට නැවත එහි යන්නටත් වුවමනා වී ඇත. ඒ සඳහා මේ සුදුසු අවස්ථාව නොවෙන බව කියා ඔහුගේ මව ඔහු නවතාගෙන සිටින්නේ අසීරුවෙනි.
අන්තර්ජාලය ඇසුරිනි.
නිසංසලා
2025 නොවැම්බර් මස 21
195
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
256
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1154
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
කෝලා වලසුන් බේරා ගැනීමට සටන් කරන අවුරුදු හයේ පුතා
Sitha Paranavidhana Saturday, 25 January 2020 04:58 AM
මේ දරුවාට විශිෂ්ඨ හදවතක් ඇත.