IMG-LOGO

2025 ජුලි මස 15 වන අඟහරුවාදා


‘සීගිරියේ පෞරාණිකත්වයට හානි නොවන ලෙස ඉදිකිරීම් කරන්නැයි උපදෙස්‘

 ( දිල්රුක්ෂි ග්‍රේරු )

සීගිරිය පුරා විද්‍යා බිමේ  නවීකරණ කටයුතු සහ නව ඉදිකිරීම් එහි පෞරාණිකත්වයට හානි නොවන අයුරින්   සිදු කරන ලෙසත්, පැමිණෙන විදෙස් සංචාරකයින්ගේ  මෙන්ම දේශිය සංචාරකයින්ගේ සෞඛ්‍ය හා සනීපාරක්ෂාව පිළිබඳව වැඩි අවධානයක් යොමු කර කටයුතු කරන ලෙසත් රාජ්‍ය පරිපාලන, ස්වදේශ කටයුතු සහ  පළාත් සභා පළාත් පාලන අමාත්‍ය ජනක බණ්ඩාර තෙන්නකොන් මහතා  අද (10) එහි කළමනාකාරීත්වයට  උපදෙස් දුන්නේය.
 
සීගිරියේ  පවතින ගැටළු පිළිබඳව සොයා බැලීම සඳහා නිරීක්ෂණ චාරිකාවකට එක් වූ අමාත්‍යවරයා  මෙම උපදෙස් ලබා දුන්නේය.
 
සංචාරකයින්ගේ  පැමිණිම වැඩි කිරීම සහ සීගිරියේ පෞරාණිකත්වය ආරක්ෂා කිරීම සම්බන්ධයෙන් අවධානය යොමු කරමින් අමාත්‍යවරයා මෙම උපදෙස් ලබා දුන්නේය.
 
සීගිරියේ ඉදිකර තිබූ  අනවසර වෙළඳසල්  කිහිපයක්  පසුගිය දිනකදී  ඉවත් කිරීම සම්බන්ධවද එහිදී අමාත්‍යවරයාගේ විශේෂ අවධානයට  ලක්විය.
 
වෙළඳසල්  පිළිබඳව  ඇති වූ මෙම ගැටළුව සම්බන්ධව සොයා බලා නීතීයට පටහැනි නොවන ලෙස, ගැටුම් ඇති නොවන අයුරින්  ඔවුන්ට යළි සුදුසු ස්ථානයන්  ලබාදීමට පියවර ගන්නා ලෙසට ද සිගිරිය වෙළඳ සංගමය, සිගිරිය පුරා විද්‍යා  ස්ථාන භාර නිලධාරිවරී, ව්‍යාපෘති කළමණාකරු  ඇතුළු  මහජන නියෝජිතයින්  දැනුම්වත් කිරීමද එහිදී සිදු කෙරිණි.

එමෙන්ම සීගීරි පුරා විද්‍යා බිමේ  නව කටයුතු  පිළිබඳවසැලැස්මක් සකස් කර ඒ පිළිබඳව තමා දැනුම්වත් කරන ලෙසඳ  සිගිරිය  ව්‍යාපෘති කළමනාකරු ඇතුළු නිළධාරීන්ට එහිදී උපදෙස් ලබා දුන්නේය.

අමාත්‍යවරයා  පුරා විද්‍යා භූමිය තුළ  පෞරාණික භාණ්ඩ  අලෙවි කරන්නන්, හා අනිකුත් වෙළඳසල් හිමියන් සමඟ සමඟ සුහද කතා බහකද නිරත විය.
සීගිරිය පුරා විද්‍යා ස්ථාන භාර නිලධාරී ධනුක උදයංග, සිගිරී ව්‍යාපෘති කළමණාකරු  තුසිත  හේරත් , සිගීරිය කොට්ඨාස ප්‍රාදේශිය සභා මන්ත්‍රී සුමනසිරි බණ්ඩාර ඇතුළු නිලධාරීහු රැසක් මෙම අවස්ථාවට එක්ව සිටියහ.   



අදහස් (1)

‘සීගිරියේ පෞරාණිකත්වයට හානි නොවන ලෙස ඉදිකිරීම් කරන්නැයි උපදෙස්‘

කසුප් Monday, 10 February 2020 12:30 PM

පත්ව එන හැම ඇමතියෙක්ම ඇවිත් බලනවා. කියනවා. අවුරුදු ගාණක් තිස්සෙ හැමදාම එක විදියයි. කෝටි ගාණක් හම්බ කරගත්තත් සංචාරකයින්ට තියෙන්නෙ අවම පහසුකම්. ජලය හා වැසිකිළි පහසුකම්වත් නෑ. අලුතෙන් ඇමතිකමක් ලැබුනම මැරිලා ඉපදිලා වගේ හැසිරෙන්නෙ. අවුරුදු ගාණක් බලයෙ ඉදල කෙරුවේ මොනවද කියලා මිනිස්සුන්ගෙන් ඇහුවා නම් කියයි.

:       0       10

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 119 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 69 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site