රොමේෂ් මධුෂංඛ

සමස්ත ලංකා පෞද්ගලික බස්රථ හිමියන් විසින් ඉල්ලීම් කිහිපයක් මුල් කරගනිමින් අද (10) සංඛේත වැඩ වර්ජනයක නිරත වෙමින් ධාවන කටයුතු වලින් ඉවත් වුවද උතුරේ සියලුම පෞද්ගලික බස් රථ දෛනික ධාවන කටයුතුවල නිරත වන බව උතුරු පළාත් පෞද්ගලික බස් රථ හිමියන්ගේ සංගමය කියයි.

දිවයිනේ සෙසු පළාත් හි පෞද්ගලික බස් රථ වර්ජනයක් ක්‍රියාත්මක වුවද අදාළ වර්ජනය සම්බන්ධයෙන් කිසිදු දැනුම් දීමක් හෝ දැනුවත් කිරීමක් සිදු නොකිරීම නිසාවෙන් අද (10) සාමාන්‍ය පරිදි උතුරු පළාතේ මෙන්ම පළාතෙන් පිටත ද බස් ධාවන කටයුතු සිදු කෙරෙන බවට උතුරේ පෞද්ගලික බස් රථ හිමියෝ කියා සිටිති.

එමෙන්ම උතුරේ පෞද්ගලික බස් රථ හිමියන් කියා සිටියේ අලුත් අවුරුදු උදාවට දින කිහිපයක් තිබියදී මෙලෙසින් බස් වර්ජනය කිරීම කිසිසේත්ම පිළිගත නොහැකි බැවින් මහජනතාවට හිරිහැරයක් නොවන පරිදි අවුරුදු උදාවෙන් පසුව එලඹෙන කිසියම් වෘත්තීය ක්‍රියාමාර්ගයක් වෙනුවෙන් තමන් දැනුවත් කරන්නේ නම් ඊට සහය දැක්වීමට සූදානම් බවද උතුරේ පෞද්ගලික බස් රථ හිමියන් වැඩිදුරටත් කියා සිටිති.